പെണ്‍മനസിലെ കവിത

ഇടറാത്ത താളം

കുഴിബോംബ് പതുങ്ങും വീഥികള്‍

കൊഞ്ഞനം കുത്തുന്ന പടവുകള്‍

ഇവിടെ തുരുമ്പിക്കുവാനായ്

ഇടറി വീഴുവാനായ് നീ വരരുതേ.

ഒന്നുകില്‍ ജനിക്കാതിരിക്കണം

അത് നിനക്കാവില്ല പുത്രീ.

ആഞ്ഞടിക്കും ചുടു കാറ്റിന്

കരിയില തന്‍ കണക്ക് കൂട്ട-

ലുകളെ തട്ടിത്തെറിപ്പിക്കുവാന്‍

ശക്തുയണ്ടെന്നറിയണം നീ.

ഇരട്ട നട്ടെല്ലും ശലാകവുമായി

ഇടറാത്ത താളമായ് പോരണം.

ചൂടിനെ ചൂടുകൊണ്ട് നന്നായ്

ഉരുക്കഴിക്കാന്‍ പഠിക്കണം

ജീവിത താള തരംഗങ്ങളില്‍

വെറും തത്തയായ് തത്തരുത്

നിറം മാറ്റക്കലക്കാര്‍ക്ക് മുമ്പില്‍

വിഷപ്പല്ലിന്‍ താളമാകണം

ധീരതയുടെ മനുഷ്യരൂപത്തെ

ഉണര്‍ത്തുവാനെത്തണം നീ

– വരദേശ്വരി.കെ. മായനാട്