കൊച്ചി: പ്രമുഖ അമ്യൂസ്മെന്റ്‌ പാര്‍ക്കായ കൊച്ചി വണ്ടര്ലായ്ക്ക് തുടര്‍ച്ചയായി മൂന്നാം വര്‍ഷവും കേരള സര്‍ക്കാരിന്റെ ടൂറിസം അവാര്‍ഡ്‌ ലഭിച്ചു. 2012-13 ലെ ഏറ്റവും നല്ല വിനോദസഞ്ചാര കേന്ദ്രത്തിനുള്ള ടൂറിസം ഡിപ്പാര്‍ട്ട്മെന്റിന്റെ അവാര്‍ഡാണ്‌ വണ്ടര്ലായ്ക്ക് ലഭിച്ചത്‌.
തിരുവനന്തപുരത്തു നടന്ന ചടങ്ങില്‍ മുഖ്യമന്ത്രി ഉമ്മന്‍ചാണ്ടിയില്‍ നിന്നും വണ്ടര്‍ലാ ജനറല്‍ മാനേജര്‍ രവികുമാര്‍ എം.എ, ഡിജിഎം അജികൃഷ്ണന്‍ എ.ജി. എന്നിവര്‍ ചേര്‍ന്ന്‌ അവാര്‍ഡ്‌ ഏറ്റുവാങ്ങി. ടൂറിസം മന്ത്രി എ.പി.അനില്‍കുമാര്‍, കെ.മുരളീധരന്‍ എംഎല്‍എ, ടൂറിസം സെക്രട്ടറി സുമന്‍ ബില്ല തുടങ്ങിയവര്‍ ചടങ്ങില്‍ പങ്കെടുത്തു.
പ്രതികരിക്കാൻ ഇവിടെ എഴുതുക: