കൊച്ചി: ചിന്തകളുടെ അനര്ഗ്ഗളമായ പ്രവാഹമായ മനുഷ്യമനസ്സിനെ ധ്യാന പരിശീലനത്തിലൂടെ നിയന്ത്രണവിധേയമാക്കിയാല് അനശ്വരതയുടെ അജ്ഞാത തലങ്ങളിലേക്ക് നമുക്ക് എത്തിചേരാമെന്ന് സ്വാമി പൂര്ണ്ണാമൃതാനന്ദപുരി വ്യക്തമാക്കി.
പാവക്കുളം പൊങ്കാല മഹോത്സവത്തോടനുബന്ധിച്ച് നടന്ന അമൃതോത്സവത്തില് രണ്ടാം ദിവസം നടന്ന ധ്യാന പരിശീലനത്തിന് സ്വാമി പൂര്ണാമൃതാന്ദപുരി നേതൃത്വം നല്കി. തുടര്ന്ന് ആധുനിക ലോകത്തില് യുവതലമുറ പുലര്ത്തേണ്ട ജാഗ്രതയെക്കുറിച്ച് അദ്ദേഹം പ്രഭാഷണം നടത്തി. ഉച്ചയ്ക്ക് ശേഷം നടന്ന സംശയനിവാരിണിക്ക് ബ്രഹ്മചാരി തപസ്യാമൃത ചൈതന്യ നേതൃത്വം നല്കി.
വൈകിട്ട് ക്ഷേത്രാങ്കണത്തില് നടന്ന മഹാസര്വ്വൈശ്വര്യപൂജയും, നവഗ്രഹ ഹോമത്തിനും സ്വാമി മുഖ്യകാര്മ്മികത്വം വഹിച്ചു. അര്ച്ചന, സമര്പ്പണം, ഭക്തിഗാനാമൃതം, ആരതി, പ്രസാദവിതരണം എന്നിവയോടെ അമൃതോത്സവം പൂര്ണ്ണമായി.
പ്രതികരിക്കാൻ ഇവിടെ എഴുതുക: