കൊച്ചി: ബേസല് 3 മാനദണ്ഡങ്ങള് നടപ്പാക്കുന്നതിനാവശ്യമായ മൂലധനം കണ്ടെത്തുക എന്നത് ഇന്ത്യന് ബാങ്കുകളെ സംബന്ധിച്ചേടത്തോളം കനത്ത വെല്ലുവിളിയായിരിക്കുമെന്ന് ഇന്ത്യന് ഓവര്സീസ് ബാങ്ക് ഡെപ്യൂട്ടി ജനറല് മാനേജര് വൈരം സോമസുന്ദരം അഭിപ്രായപ്പെട്ടു. 2018 മാര്ച്ച് 31നകം ബേസല് 3 നടപ്പാക്കണമെന്ന് ആര്ബിഐ നിര്ദേശിച്ചിട്ടുള്ളത്. ഇതിനായി 3 ലക്ഷം കോടി രൂപ കണ്ടെത്താന് ഇന്ത്യന് ബാങ്കുകള് നിര്ബന്ധിതമാവുമെന്ന്? ഇന്ത്യന് ബാങ്കുകള് നേരിടുന്ന വെല്ലുവിളി? എന്ന വിഷയത്തെക്കുറിച്ച് ഗ്രേറ്റര് കൊച്ചി ബാങ്കേഴ്സ് ക്ലബ് സംഘടിപ്പിച്ച സെമിനാര് ഉദ്ഘാടനം ചെയ്തു സംസാരിക്കവെ സോമസുന്ദരം പറഞ്ഞു.
പൊതുമേഖലാ ബാങ്കുകളില് ബേസല് 3 നടപ്പാക്കുന്നതിനാവശ്യമായ വന് തുക സമാഹരിക്കാന് കേന്ദ്ര സര്ക്കാര് വിഷമിക്കുമെന്ന് സോമസുന്ദരം പറഞ്ഞു. ചെറിയ സ്വകാര്യ ബാങ്കുകളുടെ സ്ഥിതിയും വ്യത്യസ്തമല്ല. ബേസല് 3യും ബാങ്കുകള് തമ്മിലുള്ള കടുത്ത മല്സരവും കുറേയധികം ബാങ്കുകളുടെ നിലനില്പിന് തടസ്സമാവും. ഈ സ്ഥിതിവിശേഷം ബാങ്കുകള് ലയിക്കുന്നതില് കൊണ്ടെത്തിക്കും.
ഗ്രേറ്റര് കൊച്ചി ബാങ്കേഴ്സ് ക്ലബ് പ്രസിഡന്റ് പീറ്റര് സെബാസ്റ്റ്യന് അദ്ധ്യക്ഷത വഹിച്ചു. സെക്രട്ടറി കെ.യു. ബാലകൃഷ്ണന് സ്വാഗതവും വൈസ് പ്രസിഡന്റ് കെ. സൂര്യനാരായണന് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: