ചാലക്കുടി: ചാലക്കുടി മണ്ഡലം ബിജെപി സ്ഥാനാര്‍ത്ഥി ബി.ഗോപാലകൃഷ്ണന്‍ തെരഞ്ഞെടുപ്പ്‌ പ്രവര്‍ത്തനം ആരംഭിച്ചു. പ്രമുഖ വ്യക്തികളെയും മത, ജാതി സംഘടന നേതാക്കളെയും സന്ദര്‍ശിച്ചു വോട്ട്‌ അഭ്യര്‍ത്ഥിച്ചു.
ബാംഗ്ലൂരില്‍ ക്രൂരമായി റാഗിങ്ങിന്‌ ഇരയായി മരിച്ച പോട്ട പൂപറനമ്പില്‍ ഇബ്രാഹിമിന്റെ മകന്‍ അഹാബിന്റെ വീട്‌ സന്ദര്‍ശിച്ച്‌ മാതാപിതാക്കളെ ആശ്വസിപ്പിച്ചു. ആര്‍എസ്‌എസ്‌ സംസ്ഥാന സേവാപ്രമുഖ്‌ ജി.പത്മനാഭസ്വാമി, ചാലക്കുടി എസ്എന്ഡിപി യൂണിയന്‍ ഓഫീസിലെത്തി യൂണിയന്‍ സെക്രട്ടറി കെ.എ.ഉണ്ണികൃഷ്ണനെ സന്ദര്‍ശിച്ചു. മുകുന്ദപുരം എന്‍എസ്‌എസ്‌ യൂണിയന്‍ താലൂക്ക്‌ വൈസ് പ്രസിഡണ്ട്‌ കെ.എം.ഹരിനാരായണന്‍ തുടങ്ങിയവരെ സന്ദര്‍ശിച്ച്‌ സഹായം അഭ്യര്‍ത്ഥിച്ചു.
വ്യാപാരി വ്യവസായി ഏകോപനസമിതി പ്രസിഡണ്ട്‌ ജോയ്‌ മൂത്തേടന്‍, ഹോട്ടല്‍ ആന്റ്‌ റസ്റ്റോറന്റ്സ്‌ അസോസിയേഷന്‍ പ്രസിഡണ്ട്‌ എന്‍.കുമാരന്‍, ജീവന്‍ രക്ഷാവേദി പ്രസിഡണ്ട്‌ ഇ.ജി.ഗോപാലകൃഷ്ണന്‍, സി.എം.പി.നേതാവ്‌ പി.പി.പോള്‍, ബി.പി.അപ്പുക്കുട്ടന്‍ എന്നിവരെ സന്ദര്‍ശിച്ചു. ബിജെപി സംസ്ഥാനസമിതി അംഗം കെ.ജി.സുന്ദരന്‍, മണ്ഡലം പ്രസിഡണ്ട്‌ ടി.വി.ഷാജി, ജനറല്‍ സെക്രട്ടറി കെ.എ.സുരേഷ്‌, കെ.പി.ജോര്‍ജ്ജ്‌, സി.പി.സെബാസ്റ്റ്യന്‍ തുടങ്ങിയവര്‍ അദ്ദേഹത്തോടൊപ്പമുണ്ടായിരുന്നു.
പ്രതികരിക്കാൻ ഇവിടെ എഴുതുക: