ഒഡിഷയില്‍ വാഹനാപകടം :എട്ടു മരണം

ഭുവനേശ്വര്‍: ഒഡിഷയില്‍ വാഹനാപകടത്തില്‍ രണ്ടു കുട്ടികളടക്കം എട്ടുപേര്‍ മരിച്ചു. വിവാഹത്തില്‍ പങ്കെടുത്തു മടങ്ങിയ സംഘമാണ് അപകടത്തില്‍പ്പെട്ടത്.

ഇവര്‍ സഞ്ചരിച്ചിരുന്ന വാഹനം വളവ് തിരിയുന്നതിനിടക്ക് നിയന്ത്രണം വിട്ട് മരത്തിലിടിച്ചാണ് അപകടമുണ്ടായത്.

ഭുവനേശ്വറില്‍ നിന്ന് 430 കിലോമീറ്റര്‍ അകലെയുള്ള ഭബാനിപത്‌നയിലാണ് അപകടമുണ്ടായത്.

വാഹനത്തില്‍ 11 യാത്രക്കാരാണ് ഉണ്ടായിരുന്നത്. ഏഴുപേര്‍ അപകടസ്ഥലത്തും ഒരാള്‍ ആശുപത്രിയിലുമാണ് മരിച്ചത്. പരുക്കേറ്റ രണ്ടു പേരുടെ നില ഗുരുതരമാണ്.