ഭേധ്കടി /മഹാരാഷ്‌ട്ര: മഹാരാഷ്‌ട്ര ഛത്തിസ്ഗഢ് അതിര്‍ത്തിയില്‍ ഏഴ് മാവോയിസ്റ്റുകള്‍ കൊല്ലപ്പെട്ടു .മഹാരാഷ്‌ട്ര ഛത്തിസ്ഗഢ് അതിര്‍ത്തിയില്‍ മാവോയിസ്റ്റുകളും മഹാരാഷ്‌ട്ര പൊലീസുമായി നടന്ന കനത്ത ഏറ്റുമുട്ടിലാണ് ഏഴ് പേര്‍ കൊല്ലപ്പെട്ടതെന്ന് പൊലീസ് അറിയിച്ചു.
ഭേധ്കടി ഏരിയയിലെ ഉള്‍വനത്തില്‍ നടന്ന വെടിവയ്പിലാണ് തിങ്കളാഴ്ച രാത്രി 11.30 ഓടെ മാവോയിസ്റ്റുകളെ വധിച്ചത് . രണ്ട് മണിക്കൂര്‍ നീണ്ട മാവോയിസ്റ്റ് വേട്ടയ്‌ക്കൊടുവില്‍ കൊടും വനത്തിനുള്ളില്‍ നിന്ന് നക്‌സല്‍ വേഷധാരികളായ രണ്ട് സ്ത്രീകളടക്കുള്ള ഏഴ് പേരുടെ മൃതദേഹങ്ങള്‍ കണ്ടെടുക്കുകയായിരുന്നു .
മാവോയിസ്റ്റുകള്‍ക്കെതിരെയുള്ള മഹാരാഷ്‌ട്ര പൊലീസിന്റെ നിര്‍ണായക നേട്ടമായാണ് പൊലീസ് ഹെഡ്ക്വാര്‍ട്ടേഴ്‌സ് ഇതിനെ വിലയിരുത്തിയത്. ഗഡ്ചിരോളി,ഗോണ്ടിയ പൊലീസ് യൂണിറ്റുകള്‍ സംയുക്തമായി നടത്തിയ ഓപ്പറേഷനിലാണ് നിര്‍ണായകമായ മാവോയിസ്റ്റ് വേട്ട വിജയം കണ്ടത്. സംഭവത്തില്‍ പരിക്കേറ്റ നാല് പൊലീസുകാരെ ആശുപത്രിയില്‍ പ്രവേശിപ്പിച്ചു.
പ്രതികരിക്കാൻ ഇവിടെ എഴുതുക: