കൊച്ചി: ന്യൂദല്‍ഹി കേന്ദ്ര ആസ്ഥാനമായ ഫെയ്‌ത്ത്‌ ഫൗണ്ടേഷന്റെ ആഭിമുഖ്യത്തില്‍ ലഫ്‌.കേണല്‍ എച്ച്‌. അശോകിണി, എസ്‌, വിഎസ്‌എം, രാഘവ്‌ ചൗധരിയും നയിക്കുന്ന ആദിഗുരു ശങ്കരാചാര്യ സമാധി സ്ഥലയാത്രയുടെ മൃതിക കലശ വിളംബംരം എറണാകുളം ശിവക്ഷേത്രത്തില്‍ നടന്നു. വൈകിട്ട്‌ നടന്ന ചടങ്ങില്‍ പൂജിച്ച കലശം തന്ത്രി ചേന്നാസ്‌ ചെറിയനാരായണന്‍ നമ്പൂതിരിപ്പാട്‌ വേദമന്ത്രജപത്തോടെ ലഫ്‌. കേണല്‍ എച്ച്‌. അശോക്‌ കിണിയ്‌ക്ക്‌ കൈമാറി.
ചടങ്ങില്‍ കെ.പി.കെ. മേനോന്‍, പി. രാമചന്ദ്രന്‍ (വേണു), കെ. ജനാര്‍ദ്ദനന്‍, സി.ജി. രാജഗോപാല്‍, കെ.പി. ശിവദാസ്‌, കെ.എ. മോഹന്‍ദാസ്‌, ടി.കെ. നാരായണസ്വാമി, എന്‍.കെ. ശിവരാമകൃഷ്ണന്‍, ഇ.പി. ബാലകൃഷ്ണ ഷേണായ്‌, ഏക്നാഥ്‌. വി, സതീശ്‌ പൈ, കെ.എന്‍. സുനില്‍ തുടങ്ങിയവര്‍ സംബന്ധിച്ചു. ഇന്ന്‌ രാവിലെ 9.45 ന്‌ കാലടി ആദിശങ്കരാചാര്യ ജന്മഭൂമി ക്ഷേത്രമായ ശൃംഗേരിയില്‍നിന്നും യാത്ര ആരംഭിക്കും. ഫെബ്രുവരി 14 മുതല്‍ ആരംഭിക്കുന്ന യാത്ര ജൂണ്‍ 16 ന്‌ കേദാര്‍നാഥില്‍ എത്തിച്ചേരും. യാത്രയുടെ ഭാഗമായി വെളിയനാട്‌ ചിന്മയാ ഇന്റര്‍നാഷണല്‍ ഫൗണ്ടേഷന്‍ കേന്ദ്രം സന്ദര്‍ശിച്ച വേളയില്‍ സ്വാമി അദ്വൈയാനന്ദ സരസ്വതി, മാനേജര്‍ വിശ്വനാഥ്‌.ആര്‍ എന്നിവര്‍ ചേര്‍ന്ന്‌ സ്വീകരിച്ചു.
പ്രതികരിക്കാൻ ഇവിടെ എഴുതുക: