മനുഷ്യനില് ആധ്യാത്മിക ചിന്ത വളര്ത്താനാണ്, നല്ല ഗുണങ്ങള് വളര്ത്തുവാനാണ് ക്ഷേത്രങ്ങള്. ഇന്ന് പലരും ക്ഷേത്രങ്ങളെ കുറ്റംപറയുന്നത് കാണാം. രാഷ്ട്രീയക്കാര് കൊടിപിടിച്ചു ജാഥയായിപ്പോകുന്നത് കണ്ടിട്ടില്ലേ? ആരെങ്കിലും അവരുടെ ഒരു കൊടി കീറുകയോ കത്തിക്കുകയോ അതിലൊന്ന് തുപ്പുകയോ ചെയ്യട്ടെ. ആ ജനങ്ങളെല്ലാംകൂടി അവനെ അടിച്ചുകൊല്ലും. വാസ്തവത്തില് ആ കൊടിയില് എന്തിരിക്കുന്നു? ഒരു കഷ്ണം തുണി. ഒന്നുപോയാല് വേറെ എത്ര യോ വാങ്ങാന്കിട്ടും! എന്നാല് അതല്ല, ആ കൊടി ആദര്ശത്തിന്റെ പ്രതീകമാണ്. അവരുടെ പാര്ട്ടിയുടെ പ്രതീകമാണ്. അതിനോടുള്ള അവഗണ അവര് സഹിക്കില്ല. അതുപോലെ ക്ഷേത്രം ഈശ്വരതത്ത്വത്തിന്റെ പ്രതീകമാണ്. അതില് ക്കൂടി ഈശ്വരനെയാണ് കാണുന്നത്. ക്ഷേത്രത്തില്ച്ചെന്ന് ദര്ശനം നടത്തുമ്പോള് നമ്മള് ഓര്ക്കുന്നു. ഇറച്ചിക്കടയിലെയോ മദ്യശാലയിലെയോ അന്തരീക്ഷമല്ല ക്ഷേത്രത്തിലുള്ളത്. ക്ഷേത്രങ്ങളില്, അവിടുത്തെ പവിത്രചിന്തകളാല് ശുദ്ധമായ അന്തരീക്ഷമാണുള്ളത്. ചൂടുള്ള സമയത്ത് വൃക്ഷച്ചുവടുപോലെ, തണുപ്പുള്ള സമയത്ത് കമ്പിളിവസ്ത്രംപോലെ, ക്ഷേത്രം മാനസികപ്രയാസം അനുഭവിക്കുന്നവര്ക്ക് ആശ്വാസം പകരുന്നു. ക്ഷേത്രത്തിലെ നല്ല സംസ്കാ രം ഉള്ക്കൊണ്ട് അവിടെയിരുന്ന് ഈശ്വരഭജന ചെയ്യുന്നതിലൂടെ, ആദ്ധ്യാത്മികപുരോഗതി നേടുവാന് കഴിയും.
-മാതാ അമൃതാനന്ദമയീദേവി
പ്രതികരിക്കാൻ ഇവിടെ എഴുതുക: