ലണ്ടന്‍: ശാസ്ത്രക്രിയ വിജയകരമായി പൂര്‍ത്തിയാക്കിയ ഡോക്ടര്‍ രോഗിയുടെ കരളില്‍ തന്റെ പേര് എഴുതിവച്ചു. സംഭവവുമായി ബന്ധപ്പെട്ട് ഡോക്ടര്‍ സൈമണ്‍ ബ്രാഹ്മാളിനെ ആശുപത്രി അധികൃതര്‍ സസ്പെന്റ് ചെയ്തു. ബെര്‍മിന്‍ഹാം ക്യൂന്‍ എലിസബത്ത് ആശുപത്രിയിലാണ് സംഭവം നടന്നത്.
ഓപ്പറേഷന്‍ നടത്തിയ രോഗിയുടെ കരളില്‍ എസ്.ബിയെന്ന തന്റെ പേരിന്റെ ചുരുക്കം കുറിച്ചു. ഇതിനായി ഇയാള്‍ വിഷമയമല്ലാത്ത ആര്‍ഗോണ്‍ ഗ്യാസ് ഉപയോഗിച്ചതായി ഡെയ്‌ലി മെയില്‍ റിപ്പോര്‍ട്ട് ചെയ്യുന്നു. സംഭവം വിവാദമായതോടെ ഡോക്ടറെ സസ്പെന്റ് ചെയ്യാന്‍ ആശുപത്രിയുടെ നടത്തിപ്പ് നിയന്ത്രിക്കുന്ന എന്‍എച്ച്എസ് ഫൗണ്ടേഷന്‍ തീരുമാനിക്കുകയായിരുന്നു.
എന്നാല്‍ അന്വേഷണം പൂര്‍ത്തിയായ ശേഷം മാത്രമേ ഇയാള്‍ക്ക് നല്‍കേണ്ട ശിക്ഷ നടപടികളില്‍ അവസാന തീരുമാനം ഉണ്ടാകു. മെഡിക്കല്‍ കോഡ് ഓഫ് കോണ്‍ഡാക്റ്റിന് വിരുദ്ധമായി പെരുമാറിയതിനാണ് ഇപ്പോഴുള്ള നടപടി.
പ്രതികരിക്കാൻ ഇവിടെ എഴുതുക: