ബ്രസീലിയ: ബ്രസീലില്‍ നടക്കുന്ന ലോക സ്കൂള്‍ ഒളിമ്പിക്സില്‍ മലയാളി താരം ബബിതയ്ക്ക് വെങ്കലം. 800 മീറ്റര്‍ ഓട്ടത്തിലാണ് ബബിതയുടെ നേട്ടം. മീറ്റില്‍ ഇന്ത്യ നേടുന്ന മൂന്നാമത്തെ മെഡലാണിത്. പാലക്കാട് കല്ലടി സ്കൂളിലെ വിദ്യാര്‍ത്ഥിനിയാണ് ബബിത. ഈയിനത്തില്‍ ഇന്ത്യയുടെ അഞ്ജന ആറാം സ്ഥാനത്തെത്തി. മലേഷ്യയില്‍ നടന്ന ഏഷ്യന്‍ സ്കൂള്‍ മീറ്റിലും ബബിത വെങ്കല മെഡല്‍ നേടിയിരുന്നു.
കഴിഞ്ഞ ദിവസം മലയാളി താരം ലേഖാ ഉണ്ണിയും വെങ്കല മെഡല്‍ നേടിയിരുന്നു. അതേസമയം ആണ്‍കുട്ടികളുടെ 800 മീറ്ററില്‍ പറളി സ്കൂളിലെ മുഹമ്മദ് അഫ്സലിന് മെഡല്‍ നേടാനായില്ല. അഫ്സല്‍ ഏഴാം സ്ഥാനത്താണ് ഫിനിഷ് ചെയ്തത്. 400 മീറ്റര്‍ ഹര്‍ഡില്‍‌സില്‍ കോട്ടയം എംടി സെമിനാരി സ്കൂളിലെ അഞ്ജലി ജോസ് ഫൈനലില്‍ കടന്നിട്ടുണ്ട്.
പ്രതികരിക്കാൻ ഇവിടെ എഴുതുക: