ഒഡീഷയില്‍ മാവോയിസ്റ്റ് വെടിവെയ്‌പ്പ്: രണ്ട് പൊലീസ് ഉദ്യോഗസ്ഥര്‍ കൊല്ലപ്പെട്ടു

ഭുവനേശ്വര്‍: ഒഡീഷയിലെ നുവാപാഡാ ജില്ലയില്‍ മാവോയിസ്റ്റുകളമായുണ്ടായ വെടിവെയ്പില്‍ രണ്ട്് പൊലീസ് ഉദ്യോഗസ്ഥര്‍ കൊല്ലപ്പെട്ടു.

ഭുവനേശ്വറില്‍ നിന്നും 550 കിലോമീറ്റര്‍ അകലെയുള്ള സുനാബേദാ വന്യമൃഗ സംരക്ഷണ കേന്ദ്രത്തിനു സമീപമാണ് ആക്രമണമുണ്ടായത്. ഒഡീഷയിലെ പകുതിയിലേറെ ജില്ലകളില്‍ സ്വാധീനമുറപ്പിച്ചിട്ടുള്ള മാവോയിസ്റ്റുകളുടെ ശക്തി കേന്ദ്രമാണ് സുനബേദ.

പട്രോളിംഗ് കഴിഞ്ഞ് മടങ്ങുകയായിരുന്ന പൊലീസ് ഉദ്യോഗസ്ഥരെ മാവോയിസ്റ്റ് സംഘം പതിയിരുന്ന് ആക്രമിക്കുകയായിരുന്നു.