വാഷിങ്ടണ്‍: “ഫാസ്റ്റ് ആന്‍ഡ് ഫ്യൂരിയസ്” സിനിമ പരമ്പരയിലെ നായകനും ഹോളിവുഡ് നടനുമായ പോള്‍ വാക്കര്‍ (40) കാറപകടത്തില്‍ മരിച്ചു. പോളിനെ കൂടാതെ കൂടെ യാത്ര ചെയ്ത സുഹൃത്തും മരിച്ചിട്ടുണ്ട്. പോള്‍ വാക്കറിന്റെ ഫേസ്ബുക്ക് പേജിലൂടെയാണ് ബന്ധുക്കള്‍ വാര്‍ത്ത പുറത്തുവിട്ടത്. ലോസാഞ്ജലസിലെ വലെന്‍സിയയില്‍ ശനിയാഴ്ചയാണ് അപകടം നടന്നത്.
തന്റെ ഉടമസ്ഥതയിലുള്ള സന്നദ്ധ സംഘടനയുടെ പരിപാടിയില്‍ പങ്കെടുക്കാന്‍ സുഹൃത്തിനൊപ്പം പോകവെ ഇവര്‍ സഞ്ചരിച്ചിരുന്ന പോര്‍ഷെ കാര്‍ നിയന്ത്രണം വിട്ടു റോഡുവുക്കിലെ വിളക്കുമരത്തില്‍ ഇടിച്ച് തകരുകയായിരുന്നു. ഇടിയുടെ ആഘാതത്തില്‍ കാറിന് തീപിടിച്ചു.
2001ലാണ് പോള്‍ വാള്‍ക്കറെ നായകനാക്കി “ഫാസ്റ്റ് ആന്‍ഡ് ഫ്യൂരിയസ്” സിനിമകളുടെ പരമ്പരക്ക് തുടക്കമിട്ടത്. വാക്കര്‍ നായകനായ സസ്പെന്‍സ് ത്രില്ലര്‍ ചിത്രമായ “അവേഴ്സ്” ഈ മാസം പുറത്തിറങ്ങാനിരിക്കെയാണ് ദാരുണ അന്ത്യം സംഭവിച്ചത്.’ഫാസ്റ്റ് ആന്‍ഡ് ഫ്യൂരിയസിന്റെ ഏഴാം ഭാഗത്തില്‍ അഭിനയിച്ചുകൊണ്ടിരിക്കുകയായിരുന്നു അദ്ദേഹം.
വാഴ്‌സിറ്റി ബ്ലൂസ്, ഇന്‍ടു ദ ബ്ലൂ, ടാക്കേഴ്‌സ് തുടങ്ങിയ സിനിമകളില്‍ അഭിനയിച്ച വോക്കര്‍ക്ക് പ്രശസ്തി നേടിക്കൊടുത്തത് ഫാസ്റ്റ് ആന്‍ഡ് ഫ്യൂരിയസ് പരമ്പരയിലെ സിനിമകളാണ്.
പ്രതികരിക്കാൻ ഇവിടെ എഴുതുക: