ആലുവ: പ്രശ്നസങ്കീര്‍ണ്ണമായ വര്‍ത്തമാനകാല ഭാരതത്തിന്‌ യശസും കീര്‍ത്തിയും നേടിയെടുക്കാന്‍ സ്വാമിവിവേകാനന്ദന്റെ കരുത്തും ഓജസ്സും ചൈതന്യവുമുള്‍ക്കൊണ്ട യുവതലമുറ വളര്‍ന്നുവരണമെന്ന്‌ ഹിന്ദുഐക്യവേദി സംസ്ഥാന അദ്ധ്യക്ഷ കെ.പി.ശശികലടീച്ചര്‍ പറഞ്ഞു. സ്വാമിവിവേകാന്ദന്റെ 150-ാ‍ം ജന്മവാര്‍ഷികാഘോഷങ്ങളുടെ ഭാഗമായി ദീപാവലിയോടനുബന്ധിച്ച്‌ ചെങ്ങമനാട്‌ സരസ്വതി വിദ്യാനികേതന്‍ ഹൈസ്കൂളില്‍ സംഘടിപ്പിച്ച ദീപാവലി- മാതൃസംഗമം ഉദ്ഘാടനം ചെയ്യുകയായിരുന്നു. കെ.പി.ശശികലടീച്ചര്‍.
ചടങ്ങില്‍ ഡോ.അംബുജാക്ഷി അദ്ധ്യക്ഷത വഹിച്ചു ചെങ്ങമനാട്‌ ഗ്രാമപഞ്ചായത്ത്‌ പ്രസിഡന്റ്‌ ശ്രീദേവി മധു, മെമ്പര്‍ ശ്രീദേവി അശോക്‌ കുമാര്‍, ലതാ ഗംഗാധരന്‍ എന്നിവര്‍ സംസാരിച്ചു.
സി.എന്‍.അജയകുമാര്‍ ക്ലാസെടുത്തു. ബ്രഹ്മചാരിണി ദേവിക ചൈതന്യ ദീപാവലി സന്ദേശം നല്‍കി. പ്രധാനാധ്യാപിക കെ.ജയടീച്ചര്‍ മനേജര്‍ ആര്‍.വി.ജയകുമാര്‍, രേഖവിജയന്‍, അഭീജപ്രമോദ്‌, ആര്‍.ചിത്രന്‍പിള്ള, ആര്‍.രാമചന്ദ്രന്‍ പിള്ള, സി.ആര്‍.സുധാകരന്‍, ഷൈലകുമാരി, എന്‍.ഗീത എന്നിവര്‍ പ്രസംഗിച്ചു.
പ്രതികരിക്കാൻ ഇവിടെ എഴുതുക: