കൊച്ചി: വൈക്കത്ത്‌ നവംബര്‍ 8,9,10 തീയതികളില്‍ നടക്കുന്ന കേരള ജേര്‍ണലിസ്റ്റ്‌ യൂണിയന്‍ (കെജെയു) 6-ാ‍ം സംസ്ഥാനസമ്മേളനം വിളംബരം ചെയ്ത്‌ കേരള പിറവിദിനമായ നവംബര്‍ 1ന്‌ ജില്ലയിലെ എല്ലാതാലൂക്ക്‌ തല യൂണിറ്റ്‌ കേന്ദ്രങ്ങളിലും പതാക ഉയര്‍ത്തുമെന്ന്‌ കെജെയു ജില്ല പ്രസിഡന്റ്‌ ജോഷിഅറയ്‌ക്കലും ജനറല്‍ സെക്രട്ടറി ഷാജി ഇടപ്പിള്ളിയും അറിയിച്ചു.
അന്നേദിവസം പറവൂര്‍ കേസരി ബാലകൃഷ്ണപിള്ള സ്മൃതിമണ്ഡപത്തില്‍ നിന്ന്‌ രാവിലെ 10 മണിക്ക്‌ ആരംഭിക്കുന്ന പതാകജാഥ വി.ഡി.സതീശന്‍ എംഎല്‍എ ഉദ്ഘാടനം ചെയ്യും. സംസ്ഥാന ഓര്‍ഗനൈസിംഗ്‌ സെക്രട്ടറി കെ.സി.സ്മിജന്‍ നേതൃത്വം നല്‍കുന്നജാഥയുടെ ഡയറക്ടര്‍ സംസ്ഥാന സമിതി അംഗം ശ്രീമൂലം മോഹന്‍ദാസാണ്‌. ആലുവ, കളമശ്ശേരി, കാക്കനാട്‌, തൃപ്പൂണിത്തുറ, പിറവം, പെരുവ, തലയോലപ്പറമ്പ്‌ വഴി വൈകീട്ട്‌ 6ന്‌ ജാഥവൈക്കത്ത്‌ സമാപിക്കും.
പ്രതികരിക്കാൻ ഇവിടെ എഴുതുക: