പെരുമ്പാവൂര്‍: എസ്‌എന്‍ഡിപി കുറുപ്പംപടി ശാഖ പുതുതായി നിര്‍മ്മിച്ച ഗുരുമണ്ഡപത്തിന്റെ സമര്‍പ്പണവും ശ്രീനാരായണഗുരുദേവന്റെ പ്രതിഷ്ഠയും നടന്നു. രാവിലെ ശാന്തിഹവനം, ഗണപതിഹോമം, സുദര്‍ശനഹോമം എന്നീ ചടങ്ങുകളോടെയാണ്‌ പ്രതിഷ്ഠ നടന്നത്‌. പ്രതിഷ്ഠാ കര്‍മ്മങ്ങള്‍ക്ക്‌ കോട്ടയം കുറിച്ചി അദ്വൈതാശ്രമം ആചാര്യന്‍ ധര്‍മ്മചൈതന്യ സ്വാമി കാര്‍മികത്വം വഹിച്ചു.
ഗുരുമണ്ഡപ സമര്‍പ്പണസമ്മേളനം എസ്‌എന്‍ഡിപി കുന്നത്തുനാട്‌ താലൂക്ക്‌ യൂണിയന്‍ പ്രസിഡന്റ്‌ കെ.കെ.കര്‍ണ്ണന്‍ ഉദ്ഘാടനം ചെയ്തു. ശാഖാ പ്രസിഡന്റ്‌ കെ.കെ.ഷണ്‍മുഖന്‍ അധ്യക്ഷത വഹിച്ചു. യൂണിയന്‍ സെക്രട്ടറി എ.ബി.ജയപ്രകാശ്‌, സജിത്‌ നാരായണന്‍, എന്‍.പി.ബാലകൃഷ്ണന്‍ തുടങ്ങിയവര്‍ സംസാരിച്ചു.
തുടര്‍ന്ന്‌ മഹാഗുരുപൂജയും അന്നദാനവും നടന്നു. വൈകിട്ട്‌ നടന്ന ഭക്തിനിര്‍ഭരമായ ദീപാരാധനയില്‍ നിരവധി ഭക്തര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: