ഷിംല: ഹിമാചല്‍ പ്രദേശില്‍ ബസ് കൊക്കയിലേക്ക് മറിഞ്ഞ് 19 പേര്‍ കൊല്ലപ്പെട്ടു. അപകടത്തില്‍ നിരവധി പേര്‍ക്ക് പരിക്കേറ്റിട്ടുണ്ട്. വെള്ളിയാഴ്‌ച്ചയാണ് അപകടമുണ്ടായത്.
സിര്‍മാപുര്‍ ജില്ലയിലെ രാന്‍സൂവ ജാബ്രോഗ് ഗ്രാമത്തിനടുത്ത് നിയന്ത്രണം വിട്ട ബസ് 600 അടി താഴ്‌ച്ചയുള്ള കൊക്കയിലേക്ക് മറിയുകയായിരുന്നു. ഉച്ചാ ടെക്കാറില്‍ നിന്ന് രേണുകയിലേക്ക് പോകുകയായിരുന്ന ബസ് ജില്ലാ ആസ്ഥാനമായ നഹാനില്‍ നിന്ന് 75 കിലോമീറ്റര്‍ അകലെയുള്ള ഗ്രാമത്തിനടുത്താണ് അപകടത്തില്‍പ്പെട്ടത്.
മരണസംഖ്യഇനിയും ഉയരാനാണ് സാധ്യതയെന്ന് അഡീഷണല്‍ ഡപ്യൂട്ടി മജിസ്‌ട്രേറ്റ് മന്‍മോഹന്‍ ശര്‍മ്മ പറഞ്ഞു. ഹിമാചല്‍ ഗവര്‍ണര്‍ ഊര്‍മിളാ സംഗ്, മുഖ്യമന്ത്രി വീര്‍ഭദ്ര സിംഗ്, ഗതാഗത മന്ത്രി ജി എസ് ബാലി, മുന്‍ സ്പീക്കര്‍ ഗംഗുറാം മുസാഫിര്‍ എന്നിവര്‍ ദുരന്തത്തില്‍ ദു:ഖം പ്രകടിപ്പിച്ചു.
പ്രതികരിക്കാൻ ഇവിടെ എഴുതുക: