ചിക്കാഗോ: മൂന്ന് വയസുകാരനടക്കം പതിമൂന്ന് പേര്‍ക്ക് പരിക്കേല്‍ക്കാനിടയാക്കിയ ചിക്കാഗോ പാര്‍ക്കിലെ വെടിവയ്‌പ്പുമായി ബന്ധപ്പെട്ട് രണ്ട് പേര്‍ അറസ്റ്റില്‍.
സംഭവത്തെ തുടര്‍ന്ന് ബ്രയണ്‍ ചാമ്പ്(21), കെവാനെ ഗെയ്റ്റ് വുഡ്(20) എന്നിവരെയാണ് അറസ്റ്റ് ചെയ്തത്. കൊലപാതക ശ്രമം, ആയുധമുപയോഗിച്ച് പ്രകോപിപ്പിക്കുക എന്നിവയാണ് പ്രതികള്‍ക്കെതിരെ ചുമത്തിയിരിക്കുന്ന കുറ്റങ്ങള്‍. വെടിവയ്‌പ്പില്‍ ഇരുവരും കുറ്റവാളികളാണെന്ന് ചിക്കാഗോ പോലീസ് സൂപ്രണ്ട് ഗാരി മക്കാര്‍ത്തെ പറഞ്ഞു.
സെപ്റ്റംബര്‍ 15ല്‍ നടന്ന ഈ സംഭവത്തോടെ ഈ വര്‍ഷം 306 കൊലപാതകങ്ങളും 1402 വെടിവയ്പ്പ് സംഭവങ്ങളും റെക്കോര്‍ഡ് ചെയ്തതായി പോലീസ് പറഞ്ഞു.
പ്രതികരിക്കാൻ ഇവിടെ എഴുതുക: