കൊച്ചി : രാജ്യത്തെ പ്രമുഖ സെക്യൂരിറ്റി സൊലൂഷന്‍സ്‌ ദാതാക്കളായ ഗോദ്‌റേജ്‌ സെക്യൂരിറ്റി സൊലൂഷന്‍സ്‌ (ജി എസ്‌ എസ്‌) ഓണത്തോടനുബന്ധിച്ച്‌ പ്രത്യേക ഓഫറുകള്‍ പ്രഖ്യാപിച്ചു.
ഇതുപ്രകാരം ഹോം സേഫോ അല്ലെങ്കില്‍ വീഡിയോ ഡോര്‍ ഫോണോ വാങ്ങുന്ന കസ്റ്റമര്‍മാര്‍ക്ക്‌ സ്്ക്രാച്ച്‌ കാര്‍ഡിലൂടെ 5000 രൂപ വരെ നേടാന്‍ സൗകര്യമുണ്ടായിരിക്കും. എല്ലാ കസ്റ്റമര്‍മാര്‍ക്കും പ്രത്യേക ലക്കി ഡ്രോയുമുണ്ടായിരിക്കും. ഇതില്‍ വിജയികളാകുന്നവര്‍ക്ക്‌ ഹ്യുണ്ടായി ഐടെന്‍ / ടാറ്റാ നാനോ കാര്‍, കുട്ടികള്‍ക്കുള്ള സേഫ്‌, ആപ്പിള്‍ ഉല്‍പന്നങ്ങള്‍, മൊബെയില്‍ ഫോണുകള്‍ പോലുള്ള സമ്മാനങ്ങള്‍ ലഭിക്കും. കേരളത്തില്‍ മാത്രം ബാധകമാകുന്ന ഓഫര്‍ ഒക്ടോബര്‍31 വരെ നിലനില്‍ക്കും. റീടെയിലര്‍മാര്‍, കമ്പനിയുടെ ഉടമസ്ഥതയിലുള്ള സ്റ്റോറുകള്‍, മോഡേണ്‍ ട്രേഡ്‌ ഔട്ട്ലെറ്റുകള്‍, ജനറല്‍ ട്രേഡ്‌ സ്റ്റോറുകള്‍, മൊത്തവിതരണക്കാര്‍ എന്നിവിടങ്ങളിലായിരിക്കും ഈ സ്കീം ലഭ്യമാകുക.രാജ്യത്തെ സ്വര്‍ണത്തിന്റെ അഞ്ചിലൊരു ഭാഗവും ഉപയോഗിക്കുന്നത്‌ കേരളത്തിലായതിനാല്‍ ഇവിടത്തെ ജനങ്ങള്‍ക്ക്‌ അവയുടെ സുരക്ഷിതത്വത്തെക്കുറിച്ച്‌ ആശങ്കയുണ്ടെന്നും അത്‌ പരിഹരിക്കുകയാണ്‌ സെക്യൂരിറ്റി സൊലൂഷനുകളുടെ ലക്ഷ്യമെന്നും കമ്പനി മാര്‍ക്കറ്റിങ്‌ വിഭാഗം അസിസ്റ്റന്റ്‌ വൈസ്‌ പ്രസിഡന്റ്‌ മെഹര്‍നോഷ്‌ പിതാവാല അറിയിച്ചു.
സ്റ്റെയിലോ, റൈനോ, ഫിലോ, ഫോര്‍ട്ട്‌ എന്നീ പേരുകളില്‍ നാല്‌ ഹോം സേഫുകളും ഗോദ്‌റേജ്‌ പുറത്തിറക്കിയിട്ടുണ്ട്‌. 7500 മുതല്‍ 11,500 രൂപ വരെ വിലയുള്ള ഇവ വിവിധ വലുപ്പത്തിലും കളറുകളിലും ഡിസൈനുകളിലും ലഭ്യമാണ്‌. കേരളത്തിലെ ബാങ്കിങ്‌ വിഭാഗത്തിലെ 60 ശതമാനവും ജ്യുവലറി വിഭാഗത്തിലെ 45 ശതമാനവും സെക്യൂരിറ്റി സൊലൂഷന്‍സ്‌ ആവശ്യകതകള്‍ നിറവേറ്റുന്നത്‌ ജി എസ്‌ എസാണെന്ന്‌ അദ്ദേഹം വെളിപ്പെടുത്തി.
പ്രതികരിക്കാൻ ഇവിടെ എഴുതുക: