കോട്ടയം: വിവേകാനന്ദ ചെയര് അട്ടിമറിക്കാനുള്ള ഗൂഡനീക്കത്തില് പ്രതിഷേധിച്ച് ബിജെപി ജില്ലാ കമ്മറ്റിയുടെ ആഭിമുഖ്യത്തില് യൂണിവേഴ്സിറ്റിയിലേക്ക് മാര്ച്ചു നടത്തുമെന്ന് ജില്ലാ കമ്മറ്റി അറിയിച്ചു. 11ന് രാവിലെ 10ന് മാര്ച്ച് നടത്തുക. ഇന്നലെ നടന്ന ജില്ലാകമ്മറ്റി വിവേകാനന്ദ ചെയര് ഇല്ലാതാക്കാനുള്ള ശ്രമത്തിനെതിരെ പ്രമേയം പാസാക്കി. ബിജെപി ജില്ലാ പ്രസിഡന്റ് ഏറ്റുമാനര് രാധാകൃഷ്ണന്റെ അദ്ധ്യക്ഷതയില് കൂടിയ യോഗത്തില് ബിജെപി സംസ്ഥാന സെക്രട്ടരിമാരായ അഡ്വ: നാരായണന് നമ്പൂതിരി, ബി.രാധാകൃഷ്ണമേനോന്, സംസ്ഥാന ട്രഷറര് എം.പി. രാജഗോപാല്, സംസ്ഥാന സമിതി അംഗങ്ങളായ പി.കെ. രവീന്ദ്രന്, കെ.ജി. രാജ്മോഹന്, എം.ആര്. ഷാജി തുടങ്ങിയവര് പങ്കെടുത്തു. ഈ വിഷയം ഉന്നയിച്ച് ഒക്ടോബര് 2ന് സാംസ്കാരിക കൂട്ടായ്മയും സംഘടിപ്പിക്കും.
രാമപുരത്ത് ഉണ്ടായ ചുഴലിക്കാറ്റില് വീടും, വീട്ട് ഉപകരണങ്ങളും, കൃഷിയും നഷ്ടപ്പെട്ടവര്ക്ക് സര്ക്കാര് അടിയന്തിര സഹായം നല്കണമെന്ന് പ്രമേയം പാസാക്കി. ജില്ലാ ജനറല് സെക്രട്ടറി കെ.എം. സന്തോഷ്കുമാര് സ്വാഗതവും, എന്.ഹരി കൃതജ്ഞതയും പറഞ്ഞു.
പ്രതികരിക്കാൻ ഇവിടെ എഴുതുക: