കൊച്ചി: ടാറ്റാ ഡോകോമോ കേരള വിപണിയില്‍ സജീവമാകുന്നതിന്റെ ഭാഗമായി പുതിയ വോയ്സ്‌, ഡാറ്റാ സേവനങ്ങള്‍ അവതരിപ്പിക്കുന്നു. ടാറ്റാ ടെലി സര്‍വീസസ്‌ ലിമറ്റേഡിന്റെ ഉപസ്ഥാപനമായ എംഎംപി മൊബി വാലറ്റ്‌ ലിമിറ്റഡിലൂടെ എംറൂപ്പി സേവനം രാജ്യത്ത്‌ അവതരിപ്പിച്ചു. മൊബെയിലിലൂടെ വരിക്കാര്‍ക്ക്‌ എളുപ്പത്തിലും സുരക്ഷിതമായും പണം കൈമാറ്റം ചെയ്യാവുന്ന സംവിധാനമാണിത്‌.
ഐസിഐസിഐ ബാങ്കുമായി സഹകരിച്ചാണ്‌ ഈ മണി ഓര്‍ഡര്‍ സേവനം രാജ്യത്ത്‌ പ്രധാന പത്ത്‌ നഗരങ്ങളില്‍ എംറൂപ്പി സേവനം ലഭ്യമാണെന്ന്‌ ടാറ്റാ ഡോകോമോയുടെ തമിഴ്‌നാട്‌ ആന്റ്‌ കേരള സര്‍ക്കിള്‍,മൊബിലിറ്റി ബിസിനസ്‌ യൂണിറ്റ്‌ ഹബ്‌ മേധാവി രാജന്‍ ഗുപ്ത പറഞ്ഞു. കോഴിക്കോട്‌ 3ജി സേവനം ആരംഭിക്കും. വാഗ്ദാനങ്ങള്‍ നിറവേറ്റുന്നതിന്റെ ഭാഗമായി ടാറ്റാ ഡോകോമോ 90% നിരക്ക്‌ കുറവില്‍ 2ജി,3ജി ഡാറ്റാ സേവനങ്ങള്‍, ഓള്‍വേയ്സ്‌ പ്ലസ്‌(വോയ്സ്‌,ഡാറ്റാ, എസ്‌എംഎസ്‌, ഇന്റര്‍നെറ്റ്‌ അണ്‍ലിമിറ്റഡ്‌ സേവനങ്ങള്‍)ഓണം ഓഫറുകള്‍ എന്നിവ ലഭ്യമാക്കുന്നുണ്ട്‌. കൊച്ചി,തിരുവനന്തപുരം,കൊല്ലം,ആലപ്പുഴ,തൃശൂര്‍, കോഴിക്കോട്‌, കണ്ണൂര്‍ തുടങ്ങിയ നഗരങ്ങളില്‍ ടാറ്റാ ഡോകോമോ ഫോട്ടോണ്‍ പ്ലസ്‌ സേവനം ലഭ്യമാണ്‌.
പ്രതികരിക്കാൻ ഇവിടെ എഴുതുക: