കൊച്ചി: ഇന്ത്യയിലെ ഏറ്റവും പ്രമുഖ ടൂറിസം പ്രൊമോഷന്‍ മേളയായ ടിടിഎഫി(ട്രാവല്‍ ആന്റ്‌ ടൂറിസം ഫെയര്‍) ല്‍ കേരളത്തിന്‌ അവാര്ഡ്. ഓഗസ്റ്റ്‌ 16,17,18 തീയതികളില്‍ അഹമ്മദാബാദില്‍ വച്ച്‌ നടന്ന ടൂറിസം മേളയില്‍ ഏറ്റവും മികച്ച ഡെക്കറേറ്റീവ്‌ പവലിയനുള്ള പുരസ്കാരമാണ്‌ കേരള ടൂറിസം നേടിയത്‌. ഇന്ത്യയില്‍ നിന്നുള്ള നിരവധി സ്ഥാപനങ്ങള്‍ ഈ മേളയില്‍ പങ്കെടുത്തിരുന്നു.
ഗുജറാത്ത്‌ ടൂറിസം ചെയര്‍മാന്‍ കമലേഷ്‌ പട്ടേല്‍ പുരസ്കാരം കേരള ടൂറിസം പ്രതിനിധികള്‍ക്ക്‌ കൈമാറി. കേരള ടൂറിസം സീനിയര്‍ സൂപ്രണ്ട്‌ കെ.എന്‍.അജയകുമാര്‍, ജൂനിയര്‍ സൂപ്രണ്ട്‌ രാധാകൃഷ്ണ പിള്ള കെ.പി., അസിസ്റ്റന്റ്‌ ടൂറിസം ഇന്‍ഫര്‍മേഷന്‍ ഓഫീസര്‍ അഫ്സല്‍ എന്നിവര്‍ അവാര്ഡ് ഏറ്റുവാങ്ങി.
കൊച്ചിയിലെ പരസ്യ ഏജന്‍സിയായ ആഡ്‌ ഇന്ത്യ അഡ്വര്‍ടൈസേഴ്സാണ്‌ കേരള ടൂറിസത്തിന്‌ വേണ്ടി മുസിരിസ്‌ ഹെറിറ്റേജിനെ അടിസ്ഥാനമാക്കി പവലിയന്‍ രൂപകല്‍പ്പന, നിര്‍മാണം എന്നിവ നിര്‍വഹിച്ചത്‌.
പ്രതികരിക്കാൻ ഇവിടെ എഴുതുക: