കാസര്‍കോട്‌: ബിജെപി സംസ്ഥാന വൈസ് പ്രസിഡണ്ടായി പ്രമീള.സി.നായ്ക്‌ തെരഞ്ഞെടുക്കപ്പെടുന്നത്‌ സംസ്ഥാന ഭാരവാഹിത്വത്തില്‍ ജില്ലയിലെ ആദ്യവനിതാ പ്രതിനിധി എന്ന വിശേഷണത്തോടെ. മഹിളാമോര്‍ച്ച സംസ്ഥാന സെക്രട്ടറി സ്ഥാനത്തുനിന്നും ബിജെപി സംസ്ഥാന നേതൃനിരയിലേക്കുള്ള ക്ഷണം പ്രമീള.സി.നായ്കിന്‌ പ്രവര്‍ത്തന മികവിനുള്ള അംഗീകാരം കൂടിയാണ്‌. നിലവില്‍ കാസര്‍കോട്‌ ജില്ലാ പഞ്ചായത്ത്‌ അംഗം കൂടിയാണ്‌ പ്രമീള. മഹിളാമോര്‍ച്ചയ്‌ക്കുപുറമെ ബിജെപിയിലും യുവമോര്‍ച്ചയിലും നേരത്തെ ചുമതലകള്‍ വഹിച്ചിട്ടുണ്ട്‌. 1998-ല്‍ മഹിളാമോര്‍ച്ചയുടെ ദേലംപാടി പഞ്ചായത്ത്‌ സെക്രട്ടറിയായാണ്‌ തുടക്കം. മഹിളാമോര്‍ച്ച ജില്ലാ പ്രസിഡണ്ടായും രണ്ടുതവണ ജില്ലാ സെക്രട്ടറിയായും തെരഞ്ഞെടുക്കപ്പെട്ടു. ബിജെപിയുടേയും യുവമോര്‍ച്ചയുടേയും ജില്ലാ സെക്രട്ടറിയായും പ്രവര്‍ത്തിച്ചു. സംഘടനാ ഭാരവാഹിത്വത്തിനുപുറമെ ജനപ്രതിനിധിയായും തിളങ്ങി. ദേലംപാടി പഞ്ചായത്ത്‌ വൈസ് പ്രസിഡണ്ടായിരുന്നു. അഡൂറ്‍ സഹകരണ ബാങ്ക്‌ ഡയറക്ടറായി രണ്ടുതവണ തെരഞ്ഞെടുക്കപ്പെട്ടു. ദേലംപാടി അഡൂറ്‍ സ്വദേശിയായ പ്രമീള.സി.നായ്ക്‌ സംഘപരിവാര്‍ പ്രസ്ഥാനങ്ങളുടെ സമരവേദികളിലെ സജീവ സാന്നിധ്യം കൂടിയാണ്‌. ഭര്‍ത്താവ്‌ ചന്ദ്രശേഖര്‍ മംഗലാപുരത്ത്‌ ബിസിനസ്‌ നടത്തുന്നു.
Sunday, November 24, 2024
പ്രമീള.സി. നായ്ക്‌ ബിജെപി സംസ്ഥാന നേതൃനിരയിലേക്ക്‌
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: