മനുഷ്യനായതുകൊണ്ട് മാനുഷികഗുണങ്ങള് നിങ്ങള് സ്വയം വികസിപ്പിക്കണം. നിര്ഭാഗ്യവശാല് ഇന്ന് മനുഷ്യര്ക്ക് മാനുഷികഗുണങ്ങള് തീരെയില്ല. എവിടെ നോക്കിയാലും മൃഗീയവാസനകളേ കാണാനുള്ളൂ. നിങ്ങള് എവിടെപ്പോയാലും ആരെയൊക്കെ കണ്ടാലും എല്ലാവര്ക്കും ഒരേ ഒരു ആഗ്രഹം മാത്രമേ ഉള്ളൂ – പണം, പണം കൂടുതല് പണം. എല്ലാ മാനുഷികപരിശ്രമങ്ങള്ക്കും ചെറുതും വലുതുമായ എല്ലാസംരംഭങ്ങള്ക്കും ഈ ഒരേയൊരു ലക്ഷ്യമേയുള്ളൂ. കുടുതല് പണം സമ്പാദിക്കുക. എന്തിനാണ് പണത്തോടുള്ള ഈ ഭ്രാന്ത്? ‘പണം വരുകയും പോവുകയും ചെയ്യും. സദാചാരം വരുകയും വളരുകയും ചെയ്യുന്നു.’
അതുകൊണ്ട് സദാചാരം വളര്ത്തുക, അപ്പോള് മാത്രമേ നിങ്ങള് യഥാര്ത്ഥത്തില് മനുഷ്യനാകുന്നുള്ളൂ. കേരളീയര്ക്ക് ഉന്നതമായ സദാചാരബോധമുണ്ട്. ധര്മബോധമുണ്ട്. തീര്ച്ചയായും അവര്ക്ക് ധനസമ്പാദനത്തിലും ആഗ്രഹമുണ്ട്. പക്ഷേ മറ്റുള്ളവരുമായി താരതമ്യപ്പെടുത്തുമ്പോള് അവര്ക്ക് ധനമോഹം കുറവാണ്. അതുകൊണ്ട് മറ്റുള്ളവര് ആ ആദര്ശം അനുകരിക്കാന് പരിശ്രമിക്കണം, അങ്ങനെ ശ്രേഷ്ഠജീവിതം നയിക്കൂ, സത്പേര് സമ്പാദിക്കൂ. സത്പേര് എന്നതില് നിന്ന് ഈശ്വരനാമം എന്നതിലേക്ക് നിങ്ങള് പുരോഗമിക്കണം. പക്ഷേ പ്രഥമവും പ്രധാനവുമായി നിങ്ങള് കഴിക്കുന്ന ഭക്ഷണം നല്ലതാണെന്ന് ഉറപ്പുവരുത്തണം. നല്ല ഭക്ഷണമാണ് നല്ല ചിന്തകളുടെ അടിസ്ഥാനം. നല്ല ചിന്തകളാണ് മനുഷ്യനിലെ ഈശ്വരാംശത്തിന്റെ ഉത്തരവാദി. അങ്ങനെ നല്ല ഭക്ഷണം കഴിക്കുമ്പോഴേ നിങ്ങള്ക്ക് ഈശ്വരമാര്ഗ്ഗത്തില്ക്കൂടി പുരോഗതി നേടാന് സാധിക്കൂ.
– ശ്രീ സത്യസായി ബാബ
പ്രതികരിക്കാൻ ഇവിടെ എഴുതുക: