നമ്മള് പുതിയ ഒരു പദത്തിന്റെ അര്ത്ഥം മനസ്സിലാക്കാന് എന്തുചെയ്യും? നിഘണ്ടു മറിച്ചുനോക്കും. ഇല്ലേ. അതില് എന്തെല്ലാം അര്ത്ഥങ്ങള് കൊടുത്തിട്ടുണ്ടോ അവയില്നിന്ന് അപ്പോള് ആവശ്യമുള്ളത് തിരഞ്ഞെടുക്കും. അതുപോലെ കംപ്യൂട്ടറിനോട് ഒരു ചോദ്യം ചോദിച്ചാല് അതില് ശേഖരിച്ചുവച്ചിട്ടുള്ള കാര്യങ്ങള്വച്ചുകൊണ്ട് അത് ഉത്തരം തരും അതനുസരിച്ച് നമ്മള് പ്രവര്ത്തിക്കുകയും ചെയ്യും.”
ഇതുപോലെയാണ് മനസ്സിന്റെ പ്രതിക്രിയയും സംഭവിക്കുന്നത്. ഉദാഹരണമായി ആരെങ്കിലും നമ്മളെ ചീത്ത പറഞ്ഞെന്നിരിക്കട്ടെ. ഉടനെ മനസ്സ് നമ്മുടെ അറിവോ അനുവാദമോ കൂടാതെ ഭൂതകാലാനുഭവങ്ങളുടെ താളുകള് മറിക്കാന് തുടങ്ങും. എന്നിട്ടു നമ്മളെ ഉപദേശിക്കും. “നോക്കൂ, ഇതിന് മുമ്പ് പല പ്രാവശ്യവും നിനക്ക് അപമാനം നേരിട്ടിട്ടുള്ളതല്ലേ? അപ്പോഴൊക്കേ നീ തിരിച്ചടിവച്ചിട്ടുണ്ടല്ലോ? പിന്നെ ഇപ്പോള് മടക്കുന്നതെന്തിനാണ്? അവന് ഇരട്ടി ശക്തിയായി തിരിച്ചുകൊടുക്ക്” മനസ്സിന്റെ ഉപദേശം കേട്ട മാത്രയില് നമ്മള് പ്രവര്ത്തിക്കുമെന്ന് മാത്രമല്ല, അതിന്റെ സ്മരണയും ഓര്മയില് രേഖപ്പെടുത്തിവയ്ക്കും. വീണ്ടും സാഹചര്യമുണ്ടാവുമ്പോള് എടുത്തുപയോഗിക്കാന് വേണ്ടി.
– മാതാ അമൃതാനന്ദമയീദേവി
പ്രതികരിക്കാൻ ഇവിടെ എഴുതുക: