ഈരാററുപേട്ട: നഗരമദ്ധ്യത്തില്‍ പ്രവര്‍ത്തിക്കുന്ന മലഞ്ചരക്ക് കടയില്‍ വന്‍മോഷണം. ഗ്രാമപഞ്ചായത്ത് മെമ്പര്‍ പ്ലാമൂട്ടില്‍ പി.പി.ബഷീറിന്റെ ഉടമസ്ഥതയില്‍ കടുവൂമൂഴിയില്‍ പ്രവര്‍ത്തിക്കുന്ന കടയിലാണ് കഴിഞ്ഞ ദിവസം രാത്രിയില്‍ മോഷണം നടന്നത്. കടയില്‍ സൂക്ഷിച്ചിരുന്ന അറുപതോളം ചാക്ക് ജാതിപത്രിയാണ് മോഷ്ടിക്കപ്പെട്ടത്. ഷട്ടറിന്റെ താഴ് തകര്‍ത്താണ് മോഷ്ടാക്കള്‍ ഉള്ളില്‍ കടന്നത്. ലോറിയിലെത്തിയാണ് മോഷണം നടത്തിയെന്ന് കരുതുന്നു. 1,45,000 രൂപ വിലമതിക്കുന്ന സാധനങ്ങളാണ് മോഷ്ടിക്കപ്പെട്ടതെന്ന് പോലീസ് അറിയിച്ചു. ജില്ലാ പോലീസ് ചീഫ് എം.പി.ദിനേശ് സ്ഥലത്തെത്തി സ്ഥിതിഗതികള്‍ വിലയിരുത്തി. വിരലടയാള വിദഗ്ധരും പരിശോധന നടത്തി. ഈരാറ്റുപേട്ട സര്‍ക്കിള്‍ ഇന്‍സ്‌പെക്ടര്‍ ബാബു സെബാസ്റ്റ്യന്റെ നേതൃത്വത്തില്‍ പോലീസ് അന്വേഷണം ഊര്‍ജ്ജിതമാക്കി.
ഈരാറ്റുപേട്ടയില്‍ മലഞ്ചരക്ക് കടയില്‍ മോഷണം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: