കൊച്ചി: ആലുവയിl കെ.എസ്.ആര്‍.ടി.സി ഡ്രൈവര്‍ മര്‍ദ്ദനമേറ്റ് മരിച്ച സംഭവത്തില്‍ പ്രതിഷേധിച്ച് എറണാകുളം ജില്ലയില്‍ ഞായറാഴ്ച കെ.എസ്.ആര്‍.ടി.സി ജീവനക്കാര്‍ പണിമുടക്കുന്നു. രാവിലെ ആറു മുതല്‍ വൈകിട്ട് ആറുവരെയാണ് പണിമുടക്ക്.
അതേസമയം, ആലുവ ഡിപ്പോയില്‍ നിന്നുള്ള സര്‍വീസുകള്‍ കെ.എസ്.ആര്‍.ടി.സി നിര്‍ത്തിവച്ചിരിക്കുകയാണ്. ആലുവയില്‍ ഇന്ന് ഉച്ചവരെ പണിമുടക്കാനും ജീവനക്കാര്‍ തീരുമാനിച്ചു. ഇന്നലെ വൈകുന്നേരം ആലുവയില്‍ കെഎസ്ആര്‍ടിസി ജീവനക്കാര്‍ മിന്നല്‍ പണിമുടക്ക് നടത്തിയിരുന്നു.
ശനിയാഴ്ച രാത്രിയാണ് ആലുവ ഡിപ്പോയിലെ ഡ്രൈവര്‍ പി.വി. സദാശിവന്‍ ജോലിക്കിടെ ബൈക്ക് യാത്രികരുടെ മര്‍ദ്ദനമേറ്റ് മരിച്ചത്. സംഭവത്തെ തുടര്‍ന്ന് അനസ്, അഷ്‌റഫ് എന്നിവരെ പോലീസ് കസ്റ്റഡിയിലെടുത്തു.
പ്രതികരിക്കാൻ ഇവിടെ എഴുതുക: