തിരുവനന്തപുരം: സംഗീത റിയാലിറ്റി ഷോകളില്‍ എസ്.എം.എസ് വോട്ടിംഗ് തട്ടിപ്പാണെന്നും റിയാലിറ്റി ഷോകളില്‍ എല്ലാം തന്നെ അര്‍ഹതയുള്ളവരല്ല വിജയികളാകുന്നതെന്നും ഗായകന്‍ എം ജി ശ്രീകുമാര്‍ പറഞ്ഞു. ഐഡിയാ സ്റ്റാര്‍ സിംഗര്‍ എന്ന റിയാലിറ്റി ഷോയിലെ പ്രമുഖ വിധികര്‍ത്താവ് തന്നെ ഇത്തരം ഒരു പരാമര്‍ശം നടത്തിയത് ശ്രദ്ധേയമായി. ഒരു സ്വകാര്യ ചാനലിലെ പരിപാടിയിലാണ് എംജി ശ്രീകുമാറിന്റെ വിവാദ പരാമര്‍ശം.
റിയാലിറ്റി ഷോകളില്‍ അര്‍ഹതയില്ലാത്തവരെ വിജയിപ്പിക്കുന്നു. വിധി കര്‍ത്താക്കളെ വെറും കൂലിക്കാരായി മാത്രമാണ് ചാനലുകള്‍ കാണുന്നതെന്നും അദ്ദേഹം പറഞ്ഞു. റിയാലിറ്റി ഷോകളിലെ എസ്എംഎസ് തട്ടിപ്പിനെ കുറിച്ച് നേരത്തെ തന്നെ പല ആരോപണങ്ങളും ഉണ്ടായിരുന്നു. എസ്എംഎസിന്റെ പേരും പറഞ്ഞ് മികച്ച കലാകാരന്മാരെ പുറത്താക്കുകയും ചാനലിന് ആവശ്യമുള്ളവരെ പരിപാടിയില്‍ നിലനിര്‍ത്തുകയും ചെയ്യുന്നുവെന്ന ആരോപണവും പലപ്രാവശ്യം ഉയര്‍ന്ന് വന്നതാണ്.
പ്രതികരിക്കാൻ ഇവിടെ എഴുതുക: