ലാഹോര്‍ : തെരഞ്ഞെടുപ്പ് റാലിക്കിടെ വീണു പരിക്കേറ്റ് ആശുപത്രിയില്‍ കഴിയുന്ന പാക്കിസ്ഥാന്‍ തെഹ്രികെ ഇ ഇന്‍സാഫ് നേതാവ് ഇമ്രാന്‍ ഖാന് ശനിയാഴ്ച നടക്കുന്ന പൊതുതെരഞ്ഞെടുപ്പില്‍ വോട്ടുചെയ്യാനാവില്ലെന്ന് ഡോക്ടര്‍മാര്‍. അദ്ദേഹത്തിനു കൂടുതല്‍ വിശ്രമം നല്‍കണമെന്നും ഡോക്ടര്‍മാര്‍ പറഞ്ഞു.
നിരവധി പരിശോധനകള്‍ നടത്തിയ ശേഷം മാത്രമേ ഇമ്രാന്‍ ഖാന് ആശുപത്രി വിടുന്ന കാര്യത്തെപ്പറ്റി തീരുമാനമെടുക്കാനാകൂ. ലാഹോറിലെ ഷൗക്കത്ത് ഖാനം ആശുപത്രിയിലാണ് ഇമ്രാന്‍ ഖാന് ചികിത്സയില്‍ കഴിയുന്നത്. മിയാന്‍വാലി ടൗണിലാണ് ഖാന് വോട്ടുള്ളത്.
അവിടംവരെ അദ്ദേഹത്തിനു യാത്ര ചെയ്യാനാകില്ലെന്നു ഡോക്ടര്‍മാര്‍ പറഞ്ഞു. വിശദമായ പരിശോധനകള്‍ക്കുശേഷമേ ആശുപത്രി വിടുന്നതിനെക്കുറിച്ചു പറയാനാകൂ.
പ്രതികരിക്കാൻ ഇവിടെ എഴുതുക: