കോഴിക്കോട്: കേസ് വിചാരണയ്‌ക്കിടെ മജിസ്ട്രേറ്റിനു ചെരുപ്പേറ്. കോഴിക്കോട് ഒന്നാംക്ലാസ് ജുഡീഷ്യല്‍ മജിസ്ട്രേറ്റ് പി.ടി. പ്രകാശിനെയാണു ചെരുപ്പെറിഞ്ഞത്. മോഷണക്കേസ് പ്രതി പെരുമ്പാവൂര്‍ സ്വദേശി റഫീഖാണു ചെരുപ്പെറിഞ്ഞത്. കോടതിയില്‍ ഹാജരാക്കിയ റഫീഖിനോട് ജഡ്ജി ചോദ്യങ്ങള്‍ ചോദിക്കുന്നതിനിടെയായിരുന്നു സംഭവം.
രണ്ടു ചെരുപ്പും ഊരിയെറിഞ്ഞ റഫീഖിന്റെ രണ്ടാമത്തെ ഏറ് മജിസ്ട്രേറ്റിന് ഏറ്റു. തന്റെ ഭാഗം വിശദീകരിക്കാന്‍ അവസരം നല്‍കിയില്ലെന്ന് പറഞ്ഞായിരുന്നു ചെരുപ്പെറിഞ്ഞത്. മജിസ്ട്രേറ്റിന്റെ പരാതിയില്‍ ടൗണ്‍ പോലീസ് റഫീഖിനെതിരേ കേസെടുത്തു.
പ്രതികരിക്കാൻ ഇവിടെ എഴുതുക: