ന്യൂയോര്‍ക്ക്‌: ബോസ്റ്റണ്‍ മാരത്തണിനിടെ ബോംബ്‌ സ്ഫോടനം നടത്തിയെന്നു സംശയിക്കപ്പെടുന്ന ചെചെന്‍ ഭീകരന്‍ സോഖര്‍ സര്‍നേവിനെ ആശുപത്രിയില്‍ നിന്ന്‌ ജയിലിലേക്കു മാറ്റി. മസാച്യുസെറ്റ്സിലെ ഫോര്‍ട്ട്‌ ഡെവെന്‍സ്‌ ജയിലിലേക്കാണ്‌ സോഖറിനെ കൊണ്ടുപോയത്‌. പോലീസുമായുള്ള ഏറ്റുമുട്ടലില്‍ പരിക്കേറ്റ സോഖര്‍ ഏതാനും ദിവസങ്ങളായി ബേത്‌ ഇസ്രായേല്‍ ഡിയാകോണെസ്‌ മെഡിക്കല്‍ സെന്ററില്‍ ചികിത്സയിലായിരുന്നു.
ഏപ്രില്‍ 15ന്‌ ബോസ്റ്റണ്‍ മാരത്തണിനിടെയുണ്ടായ ഇരട്ട സ്ഫോടനത്തില്‍ മൂന്നു പേര്‍ കൊല്ലപ്പെടുകയും 264 പേര്ക്ക് പരിക്കേല്‍ക്കുകയും ചെയ്തിരുന്നു. സ്ഫോടനത്തിന്‌ പിന്നില്‍ പ്രവര്‍ത്തിച്ചവരെന്ന സംശയത്തെ തുടര്‍ന്ന്‌ സോഖറിന്റെയും ജ്യേഷ്ഠസഹോദരന്‍ തമര്‍ലാന്റെയും ഫോട്ടോകള്‍ എഫ്ബിഐ പിന്നാലെ പുറത്തുവിട്ടു. തുടര്‍ന്നുണ്ടായ ഏറ്റുമുട്ടലില്‍ തമര്‍ലാന്‍ കൊല്ലപ്പെട്ടു. അധികംവൈകാതെ സോഖര്‍ പിടിയിലാവുകയും ചെയ്തു.
പ്രതികരിക്കാൻ ഇവിടെ എഴുതുക: