വിശ്വസംസ്കൃത പ്രതിഷ്ഠാന്‍ സംസ്ഥാന സമ്മേളനം

മലപ്പുറം: വിശ്വസംസ്കൃത പ്രതിഷ്ഠാനത്തിന്റെ 33- ാ‍ം സംസ്ഥാന സമ്മേളനം ഏപ്രില്‍ 27, 28 തിയ്യതികളില്‍ മഞ്ചേരി അമൃതവിദ്യാലയത്തില്‍ നടക്കും. 27ന്‌ വൈകീട്ട്‌ മുന്ന്‌ മണിക്ക്‌ നടക്കുന്ന സംസ്കൃത സംഗമത്തില്‍ 500 ഓളം പേര്‍ പങ്കെടുക്കും. ഡോ. പി എം ഉണ്ണികൃഷ്ണന്‍ അധ്യക്ഷതവഹിക്കും. ചരിത്രകാരന്‍ പ്രൊഫ. എം ജി എസ്‌ നാരായണന്‍ ഉദ്ഘാടനം ചെയ്യും. സ്വാമി ധര്‍മ്മാനന്ദ അനുഗ്രഹ പ്രഭാഷണം നടത്തും. സംസ്കൃതഭാരതി അഖില ഭാരതീയ അധ്യക്ഷന്‍ ഡോ. ചാന്ദ്കി രണ്‍ സലൂജ വിശിഷ്ടാതിഥിയും അഖിലേന്ത്യാ ജനറല്‍ സെക്രട്ടറി ഡോ. പി നന്ദകുമാര്‍ മുഖ്യ പ്രഭാഷകനുമായിരിക്കും. എം ആര്‍ രാഘവ വാര്യര്‍ പുസ്തക പ്രകാശനം നിര്‍വ്വഹിക്കും. 28-ാ‍ം തിയ്യതി രാവിലെ നടക്കുന്ന പ്രതിനിധി സമ്മേളനം ഡോ. സി എം രാജന്റെ അധ്യക്ഷതയില്‍ ഡോ. ചാന്ദ്കിരണ്‍ സലൂജ ഉദ്ഘാടനം ചെയ്യും.