കൊച്ചി: പ്രമുഖ ഫിലിം എന്റര്‍ടൈന്‍മെന്റ്‌ കമ്പനിയായ പിവിആര്‍ ലുലുമാളില്‍ ഒമ്പത്‌ സ്ക്രീനുകളോടുകൂടിയ മള്‍ട്ടിപ്ലെക്സ്‌ ആരംഭിച്ചു.
71,000 ചതുരശ്ര അടി വരുന്ന മള്‍ട്ടിപ്ലെക്സില്‍ 2,192 സീറ്റുകളുണ്ട്‌. 2 കെ ഡിജിറ്റല്‍ പ്രൊജക്ഷന്‍, 7.1 ഡോള്‍ബി സറൗണ്ട്‌ ശബ്ദം, 3 ഡിക്ക്‌ അനുയോജ്യമായ സില്‍വര്‍ സ്ക്രീന്‍, ജെബിഎല്‍4 വേ സ്പീക്കര്‍ തുടങ്ങിയ സവിശേഷതകളുണ്ട്‌. സിനിമകാണുന്നതിനൊപ്പം ആവശ്യമനുസരിച്ച്‌ ഇഷ്ടപ്പെട്ട ഭക്ഷണ പാനീയങ്ങളും ഇവിടെ ലഭ്യമാണ്‌.
നല്ല സിനിമകള്‍ ഇന്ത്യയിലുടനീളം എത്തിക്കുക എന്ന ലക്ഷ്യത്തോടെയാണ്‌ കൊച്ചിയില്‍ ആരംഭിച്ചിരിക്കുന്നതെന്നും ആസ്വാദകരുടെ അഭിരുചിയനുസരിച്ച്‌ സിനിമയിലെ ഏറ്റവും മികച്ച സൗകര്യങ്ങള്‍ ഒരുക്കുകയാണ്‌ പിവിആര്‍ എന്നും കമ്പനി സിഇഒ പ്രമോദ്‌ അറോറ പറഞ്ഞു. കൊച്ചിയിലെ സിനിമാ ആസ്വാദകര്‍ക്ക്‌ രാജ്യാന്തര നിലവാരമുള്ള അനുഭവങ്ങള്‍ നല്‍കുമെന്നും ലുലു ഗ്രൂപ്പ്‌ എംഡി എം.എ.യൂസഫലി പറഞ്ഞു. നഗരങ്ങളിലെ ഉയര്‍ന്ന ശ്രേണിയിലെ പ്രേക്ഷകര്‍ക്കുള്ള ഗോള്‍ഡ്‌ ക്ലാസ്‌ തിയറ്ററുകള്‍ ഉള്‍പ്പെട്ടതാണ്‌ പ്രമുഖ ബ്രാന്‍ഡായ ‘പിവിആര്‍ പ്രീമിയര്‍’ മള്‍ട്ടിപ്ലെക്സ്‌.
പ്രതികരിക്കാൻ ഇവിടെ എഴുതുക: