കാണ്ഡഹാര്‍: അഫ്ഗാനിസ്ഥാനില്‍ ബസ് ടാങ്കര്‍ ലോറിയുമായി കൂട്ടിയിടിച്ച് 30 പേര്‍ മരിച്ചു. പത്ത് പേര്‍ക്ക് പരിക്കേറ്റിട്ടുണ്ട്. അപകടത്തില്‍പ്പെട്ടവരില്‍ ഭൂരിഭാഗവും പുരുഷന്‍മാരായിരുന്നുവെന്നാണ് അറിവ്
ബസ്സിലുണ്ടായിരുന്നവരിലധികവും വിളവെടുപ്പിന് പോകുന്നവരായിരുന്നെന്ന് അധികൃതര്‍ പറഞ്ഞു. കാണ്ഡഹാര്‍ പ്രവിശ്യയിലെ മൈവന്ത് ജില്ലയിലായിരുന്നു അപകടം നടന്നത്. രാവിലെ നാല് മണിയോടെയാണ് അപകടം നടന്നതെന്നാണ് കാണ്ഡഹാര്‍ ഗവര്‍ണറുടെ ഓഫീസില്‍ നിന്ന് ലഭിച്ച വിവരം
ഇതിന് ശേഷം താലിബാന്‍ കലാപകാരികള്‍ ടാങ്കര്‍ ലോറി അഗ്നിക്കിരയാക്കി. അഫ്ഗാനിസ്ഥാനിലാണ് ഏറ്റവും അപകടം നിറഞ്ഞ റോഡുകളുള്ളത് അതുകൊണ്ട് തന്നെ അപകടങ്ങളിവിടെ സാധാരണമാണ്.
പ്രതികരിക്കാൻ ഇവിടെ എഴുതുക: