ലിമ: പെറുവില്‍ ഹെലികോപ്ടര്‍ തകര്‍ന്ന് 13 പേര്‍ മരിച്ചു. ഫ്രഞ്ച് എണ്ണകമ്പനിയായ പെരെന്‍കോ വാടകയ്‌ക്ക് എടുത്ത ഹെലികോപ്ടറാണ് യാത്രയ്‌ക്കിടെ തകര്‍ന്നുവീണത്.
കമ്പനിയിലെ ഒരു ഉദ്യോഗസ്ഥനും മൂന്ന് കരാറുകാരുടെ പ്രതിനിധികളും കോപ്ടറിലെ നാല് ജീവനക്കാരുമാണ് അപകടത്തിനിരയായത്. തെക്കുവടക്കു ഭാഗത്തെ ഉള്‍നാടന്‍ വനമേഖലയിലാണ് ഹെലികോപ്ടര്‍ തകര്‍ന്നത്. ഇക്വിറ്റോസ് നഗരത്തില്‍ നിന്നും കമ്പനിയുടെ ബ്ലോക്ക് 67 എണ്ണസംഭരണ കേന്ദ്രത്തിലേക്ക് പോകുകയായിരുന്ന എംഐ-8 ഇനത്തില്‍പെട്ട ഹെലികോപ്ടറാണ് അപകടത്തില്‍പ്പെട്ടത്.
അപകടമേഖലയിലേക്ക് രക്ഷാപ്രവര്‍ത്തനത്തിനായി സൈനിക ഹെലികോപ്ടര്‍ അയച്ചിട്ടുണ്‌ടെന്ന് അധികൃതര്‍ അറിയിച്ചു.
പ്രതികരിക്കാൻ ഇവിടെ എഴുതുക: