ന്യൂദല്‍ഹി: ജനുവരിയില്‍ ആഭ്യന്തര കാര്‍ വില്‍പനയില്‍ 12.45 ശതമാനം ഇടിവുണ്ടായി. 1,73,420 യൂണിറ്റ്‌ വാഹനങ്ങളാണ്‌ ഇക്കാലയളവില്‍ വിറ്റഴിച്ചത്‌. മുന്‍ വര്‍ഷം ഇതേ കാലയളവില്‍ ഇത്‌ 1,98,079 യൂണിറ്റായിരുന്നു. അതേ സമയം മോട്ടോര്‍സൈക്കിള്‍ വില്‍പന ഉയര്‍ന്നു. സൊസൈറ്റി ഓഫ്‌ ഇന്ത്യന്‍ ഓട്ടോമൊബെയില്‍ മാനുഫാക്ച്വേഴ്സിന്റെ കണക്കുകള്‍ പ്രകാരം മോട്ടോര്‍സൈക്കിള്‍ വില്‍പന 7.45 ശതമാനം ഉയര്‍ന്ന്‌ 8,86,527 യൂണിറ്റിലെത്തി. 2012 ജനുവരിയിലിത്‌ 8,25,050 യൂണിറ്റായിരുന്നു.
മൊത്തം ഇരുചക്ര വാഹന വില്‍പന 8.46 ശതമാനം ഉയര്‍ന്ന്‌ 12,06,937 യൂണിറ്റിലെത്തി. മുന്‍ വര്‍ഷത്തെ വില്‍പന 11,12,767 യൂണിറ്റായിരുന്നു. വാണിജ്യ വാഹന വില്‍പനയില്‍ 9.51 ശതമാനം ഇടിവുണ്ടായി.
വില്‍പന കഴിഞ്ഞ വര്‍ഷത്തെ 69,865 യൂണിറ്റില്‍ നിന്നും 63,218 യൂണിറ്റിലെത്തി. വിവിധ വിഭാഗത്തില്‍പ്പെട്ട വാഹനങ്ങളുടെ വില്‍പനയില്‍ 5.31 ശതമാനം വളര്‍ച്ചയാണ്‌ രേഖപ്പെടുത്തിയിരിക്കുന്നത്‌. 2013 ജനുവരിയില്‍ 15,61,104 യൂണിറ്റ്‌ വാഹനങ്ങളാണ്‌ വിറ്റഴിച്ചത്‌. മുന്‍ വര്‍ഷം ഇതേ കാലയളവില്‍ ഇത്‌ 14,82,437 യൂണിറ്റായിരുന്നു. ട്രക്ക്‌, ബസ്‌ വില്‍പന 9.5 ശതമാനം ഇടിഞ്ഞ്‌ 63,218 യൂണിറ്റിലെത്തി.
പ്രതികരിക്കാൻ ഇവിടെ എഴുതുക: