ആലുവ: വാഹനമോഷണക്കേസില്‍പ്പെട്ട്‌ ആലുവ സബ്ജയിലില്‍ കഴിയുന്ന മോഷ്ടാവിന്‌ കഞ്ചാവ്‌ നല്‍കുവാനെത്തിയ ആള്‍ പിടിയില്‍. തലയോലപ്പറമ്പ്‌ സ്വദേശി അമ്പലത്തുംവെളി വീട്ടില്‍ ചെല്ലപ്പന്റെ മകന്‍ ശരത്‌ ലാല്‍ (25) ആണ്‌ പോലീസ്‌ പിടിയിലായത്‌. സന്ദര്‍ശകനെന്ന നിലയില്‍ ജയിലിലെത്തി കഞ്ചാവ്‌ കൈമാറാന്‍ ശ്രമിക്കുന്നതിനിടെ ജയില്‍ അധികൃതര്‍ നല്‍കിയ വിവരമനുസരിച്ച്‌ ആലുവ പോലീസ്‌ ഇന്‍സ്പെക്ടര്‍ എസ്‌.ജയകൃഷ്ണന്റെ നിര്‍ദ്ദേശാനുസരണം ആലുവ പോലീസ്‌ സബ്‌ ഇന്‍സ്പെക്ടര്‍ പി.എ.ഫൈസലിന്റെ നേതൃത്വത്തില്‍ അഡീഷണല്‍ പോലീസ്‌ സബ്‌ ഇന്‍സ്പെക്ടര്‍മാരായ കെ.ജി.സുരേന്ദ്രന്‍, സി.കെ.തോമസ്‌, എഎസ്‌ഐ ലാലു, സിപിഒ അബൂബക്കര്‍, സിദ്ദിഖ്‌ എന്നിവരടങ്ങുന്ന പോലീസ്‌ സംഘമാണ്‌ പ്രതിയെ അറസ്റ്റ്‌ ചെയ്തത്‌. പ്രതിയെ ആലുവ കോടതിയില്‍ ഹാജരാക്കി റിമാന്റ്‌ ചെയ്തു.
Wednesday, November 27, 2024
സബ്ജയിലില്‍ കഞ്ചാവ്‌ നല്‍കുവാന്‍ വന്നയാള്‍ പിടിയില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: