കൊച്ചി: കടമ്പ്രയാര്‍ പുനരുദ്ധാരണത്തിന്റെ നിര്‍മ്മാണോദ്ഘാടനം 28ന്‌ വൈകീട്ട്‌ 5.30ന്‌ കാക്കനാട്‌ ഇടച്ചിറ ഇന്‍ഫോപാര്‍ക്കിന്‌ സമീപം ജലവിഭവ വകുപ്പ്‌ മന്ത്രി പി.ജെ.ജോസഫ്‌ നിര്‍വ്വഹിക്കും. ബെന്നി ബഹനാന്‍ എംഎല്‍എ അദ്ധ്യക്ഷത വഹിക്കും. വി.പി.സജീന്ദ്രന്‍ എംഎല്‍എ മുഖ്യാതിഥി ആയിരിക്കും.ജില്ലാ പഞ്ചായത്ത്‌ പ്രസിഡന്റ്‌ അഡ്വ. എല്‍ദോസ്‌ കുന്നപ്പിള്ളി, ജില്ലാ കളക്ടര്‍ പി.ഐ. ഷെയ്ക്‌ പരീത്‌, തൃക്കാക്കര നഗരസഭാ ചെയര്‍മാന്‍ പി.ഐ. മൂഹമ്മദാലി, വടവുകോട്‌ ബ്ലോക്ക്‌ പഞ്ചായത്ത്‌ പ്രസിഡന്റ്‌ സി.കെ.അയ്യപ്പന്‍ കുട്ടി, കിഴക്കമ്പലം ഗ്രാമ പഞ്ചായത്ത്‌ പ്രസിഡന്റ്‌ ജോളി ബേബി, കുന്നത്തുനാട്‌ ഗ്രാമ പഞ്ചായത്ത്‌ പ്രസിഡന്റ്‌ ഷൈല നൗഷാദ്‌, പുത്തന്‍കുരിശ്‌ ഗ്രാമ പഞ്ചായത്ത്‌ പ്രസിഡന്റ്‌ രമ സാജു, തൃക്കാക്കര നഗരസഭ വൈസ്‌ ചെയര്‍പേഴ്സണ്‍ ഷെറീന ഷുക്കൂര്‍, അയ്യനാട്‌ സഹകരണബാങ്ക്‌ പ്രസിഡന്റ്‌ എം.ഇ. ഹസൈനാര്‍ തുടങ്ങിയവര്‍ പങ്കെടുക്കും.
കടമ്പ്രയാറിന്റെ പുനരുദ്ധാരണത്തിലൂടെ തേവരയില്‍ നിന്നും വൈറ്റില മൊബിലിറ്റി ഹബ്ബ്‌ വഴി കടമ്പ്രയാറിലൂടെയുള്ള ബോട്ട്‌ സര്‍വീസ്‌ യാഥാര്‍ഥ്യമാകും. നബാര്‍ഡിന്റെ സഹായത്തോടെ 4.50 കോടി രൂപ ചെലവില്‍ ഏറ്റെടുത്തിട്ടുള്ള പദ്ധതിയില്‍ പുഴയില്‍ അടിഞ്ഞുകൂടിയ മാലിന്യം നീക്കം ചെയ്ത്‌ ആഴം കൂട്ടുകയും അത്യാവശ്യ ഭാഗങ്ങളില്‍ പാര്‍ശ്വഭിത്തി കെട്ടുകയും മൂന്ന്‌ ബോട്ട്‌ ജെട്ടികള്‍ പണിയുകയും ചെയ്യുന്നതിനാണ്‌ ഉദ്ദേശിക്കുന്നത്‌.
പ്രതികരിക്കാൻ ഇവിടെ എഴുതുക: