കൊച്ചി: അമ്പലമുകള്‍ ഗവ.വൊക്കേഷണല്‍ ഹയര്‍ സെക്കന്ററി സ്കൂള്‍ ശതാബ്ദി ആഘോഷങ്ങളുടെ സമാപന സമ്മേളനം 18ന്‌ നടക്കും. വൈകിട്ട്‌ 4ന്‌ സ്കൂള്‍ അങ്കണത്തില്‍ നടക്കുന്ന സമാപന സമ്മേളനം മന്ത്രി കെ.ബാബു ഉദ്ഘാടനം ചെയ്യും. വി.പി.സജീന്ദ്രന്‍ എംഎല്‍എ അദ്ധ്യക്ഷത വഹിക്കും. കെ.പി.ധനപാലന്‍ എംപി, പി.രാജീവ്‌ എംപി, ജില്ലാ പഞ്ചായത്ത്‌ പ്രസിഡന്റ്‌ എല്‍ദോസ്‌ കുന്നപ്പിള്ളി തുടങ്ങിയവര്‍ സംബന്ധിക്കും. സമാപന സമ്മേളനത്തോടനുബന്ധിച്ച്‌ സ്കൂള്‍ ഓഡിറ്റോറിയത്തില്‍ ചിത്ര ശില്‍പ- പ്രദര്‍ശനം ഉണ്ടാകും. കൂടാതെ 11 മണിക്ക്‌ വിദ്യാഭ്യാസ സെമിനാറും സംഘടിപ്പിച്ചിട്ടുണ്ടെന്ന്‌ സംഘാടകര്‍ പത്രസമ്മേളനത്തില്‍ അറിയിച്ചു. ആഘോഷസമാപന സമ്മേളനത്തിന്റെ ഭാഗമായി പോസ്റ്റ്‌ ഓഫീസ്‌ ജംഗ്ഷനില്‍ നിന്ന് വര്‍ണ്ണശബളമായ ഘോഷയാത്ര ഉണ്ടാകും. എം.എ.മത്തായി, ഷീല എം.പൗലോസ്‌, കെ.കെ.അശോക്കുമാര്‍, കുഞ്ഞമ്മ മത്തായി, തോമസ്‌ കണ്ണടിയില്‍, കെ.പി.ശിവന്‍ എന്നിവര്‍ പത്രസമ്മേളനത്തില്‍ പങ്കെടുത്തു.
Wednesday, November 27, 2024
ശതാബ്ദി ആഘോഷ സമാപനം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: