നെടുമ്പാശ്ശേരി: ദേശീയപാത കരിയാട്‌ പൊന്നംപറമ്പ്‌ ഭാഗത്ത്‌ ടാങ്കര്‍ലോറി ഇടിച്ച്‌ ബൈക്ക്‌ യാത്രക്കാരനായ നവവരന്‍ മരിച്ചു. സഹയാത്രികന്‌ പരിക്കേറ്റു. അകപ്പറമ്പ്‌ അകപ്പറമ്പ്‌വാര്യത്ത്‌ വീട്ടില്‍ ശങ്കരവാരിയരുടെ മകന്‍ ശരത്‌ ശങ്കര്‍ (31) ആണ്‌ മരണമടഞ്ഞത്‌. അകപ്പറമ്പ്‌ അമ്പാട്ട്‌ വീട്ടില്‍ രാജേന്ദ്രനാ(37)ണ്‌ പരിക്കേറ്റത്‌. ഇന്നലെ ഉച്ചയ്‌ക്ക്‌ 12.30ന്‌ എറണാകുളം ഭാഗത്തേക്ക്‌ പോകുകയായിരുന്ന ലോറി അതേ ഭാഗത്തേക്ക്‌ പോകുകയായിരുന്ന ശരത്‌ ശങ്കര്‍ ഓടിച്ച ബൈക്കില്‍ ഇടിക്കുകയായിരുന്നു. ബൈക്കിന്റെ മുന്നില്‍ അത്താണി ഭാഗത്ത്‌ പോകുകയായിരുന്ന കാര്‍ പെട്ടെന്ന്‌ ബ്രേക്കിട്ടതിനെ തുടര്‍ന്ന്‌ ശരത്‌ ശങ്കര്‍ ഓടിച്ചിരുന്ന ബൈക്ക്‌ പിന്നില്‍ ഇടിച്ചു. ബൈക്കിന്റെ പിന്നില്‍ വന്നിരുന്ന ടാങ്കര്‍ലോറി നിയന്ത്രണംവിട്ട്‌ ബൈക്കിലിടിച്ചു. കാറിനും ടാങ്കര്‍ലോറിക്കും ഇടയില്‍പ്പെട്ടാണ്‌ ബൈക്ക്‌ യാത്രക്കാര്‍ക്ക്‌ പരിക്കേറ്റത്‌. അപകടത്തെ തുടര്‍ന്ന്‌ ശരത്‌ ശങ്കറിനെ ആലുവ കാരോത്തുകുഴി ആശുപത്രിയിലേക്ക്‌ കൊണ്ടുപോയെങ്കിലും രക്ഷിക്കാനായില്ല. പരിക്കേറ്റ രാജേന്ദ്രന്‍ അങ്കമാലി ലിറ്റില്‍ ഫ്ലവര്‍ ആശുപത്രിയില്‍ ചികിത്സയിലാണ്‌. അഗ്നിശമന സേനാവിഭാഗവും നാട്ടുകാരും ചേര്‍ന്നാണ്‌ രക്ഷാപ്രവര്‍ത്തനം നടത്തിയത്‌. അപകടം നടന്ന ഉടന്‍ ഭയന്ന ടാങ്കര്‍ലോറി ഡ്രൈവര്‍ ലോറിയില്‍നിന്ന്‌ ഇറങ്ങിയോടി. മരണമടഞ്ഞ ശരത്‌ ശങ്കര്‍ അത്താണി കാംകോ ജീവനക്കാരനാണ്‌. രണ്ട്‌ മാസം മുമ്പാണ്‌ വിവാഹം നടന്നത്‌. ഭാര്യ തിരുവാങ്കുളം മുരിയമംഗലത്ത്‌ ദിവ്യ. മാതാവ്‌ ലീലാ വാരസ്യാര്‍. സഹോദരങ്ങള്‍: ശനല്‍, ശങ്കര്‍, ശാലിനി. ശരത്‌ ശങ്കറിന്റെ മൃതദേഹം അങ്കമാലി കാംകോയി ല്‍ പൊതുദര്‍ശനത്തിന്‌ വച്ചു, പിന്നീട്‌ സംസ്കരിച്ചു. ശരതിന്റെ കണ്ണുകള്‍ അങ്കമാലി ലിറ്റില്‍ ഫ്ലവര്‍ ആശുപത്രിക്ക്‌ ദാനം ചെയ്തു.
Wednesday, November 27, 2024
ടാങ്കര്‍ലോറിയിടിച്ച്‌ നവവരന്‍ മരിച്ചു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: