ആലുവ: കീഴ്മാട്‌ പഞ്ചായത്തിലെ മലയന്‍കാട്‌ ഹരിജന്‍ കോളനിയില്‍ മിന്നല്‍ ആക്രമണം ഒരു യുവാവിന്‌ പരിക്കേറ്റു. കഴിഞ്ഞ ദിവസം കോളനിയിലെ ഹരിജന്‍ യുവതിയുടെ 1-ാ‍ം ചരമവാര്‍ഷികത്തില്‍ പങ്കെടുത്തുകൊണ്ടിരുന്നവര്‍ക്ക്‌ നേരെയാണ്‌ മുസ്ലീം ലീഗ്, പിഡിപി എന്‍ഡിഎഫ്‌, പോപ്പുലര്‍ ഫ്രണ്ട്‌, എസ്ഡിപിഐ എന്നി സംഘടനയില്‍പ്പെട്ട മുള്ളം കുഴിഭാഗത്തുനിന്നുള്ള ഇരുപത്തിയഞ്ചോളം പേരാണ്‌ മിന്നല്‍ ആക്രമണം നടത്തിയത്‌.
ആക്രമത്തില്‍ തലയ്‌ക്ക്‌ മാരകമായ പരിക്കേറ്റ സനല്‍ എന്ന യുവാവിനെ ആലുവജില്ലാ ആശുപത്രിയില്‍ പ്രവേശിപ്പിച്ചു. യാതൊരു പ്രകോപനവും കൂടാതെയാണ്‌ ഈ സംഘം ആക്രമണം നടത്തിയത്‌. സാമ്പത്തികമായി വളരെ താഴ്‌ന്ന നിലയില്‍ ജീവിതം നയിക്കുന്ന ഈ വിഭാഗത്തെ പലമേഖലകളിലും പീഡിപ്പിക്കുന്ന അവസ്ഥയാണ്‌ ഇവിടെയുള്ളത്‌. ഇവര്‍ക്ക്‌ എല്ലാവിധ സംരക്ഷണവും നിയമപാലകര്‍നല്‍കണമെന്ന്‌ ബിജെപി കീഴ്മാട്‌ പഞ്ചായത്ത്‌ കമ്മറ്റി ആവശ്യപ്പെട്ടു.
പ്രതിഷേധയോഗത്തില്‍ പ്രസിഡന്റ്‌ ഒ.എസ്‌.മണി അദ്ധ്യക്ഷത വഹിച്ചു. മണ്ഡലം സെക്രട്ടറി ടി.എസ്‌.ഷാജി, യുവമോര്‍ച്ച ജില്ല സെക്രട്ടറി രാജീവ്‌ മുതിരക്കാട്‌, പട്ടികജാതി മോര്‍ച്ച ജില്ല സെക്രട്ടറി ബേബി നമ്പേലി, കെ.ആര്‍.രജി, എം.വി.ഷിബ, പി.കെ.കുഞ്ഞുമോന്‍, എം.കെ.ശശി, ഉദയന്‍പള്ളത്ത്‌, സമീരന്‍ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക