കൊച്ചി: രണ്ടു ദിവസത്തെ കേരള സന്ദര്‍ശനത്തിന്‌ പ്രധാനമന്ത്രി ഡോ.മന്‍മോഹന്‍സിങ്‌ ഇന്ന്‌ കൊച്ചിയിലെത്തും. വൈകീട്ട്‌ 3.50-ന്‌ നേവല്‍ എയര്‍പോര്‍ട്ടില്‍ പ്രത്യേക വിമാനത്തില്‍ എത്തുന്ന പ്രധാനമന്ത്രി വിമാനത്താവളത്തിലെ സ്വീകരണത്തിനുശേഷം കൊച്ചി റിഫൈനറിയുടെ ചടങ്ങില്‍ പങ്കെടുക്കുന്നതിനായി അമ്പലമുകളിലേക്ക്‌ പോകും. ഹെലികോപ്ടര്‍ മാര്‍ഗം രാജഗിരി എഞ്ചിനീയറിങ്‌ കോളേജ്‌ മൈതാനിയിലാണ്‌ പ്രധാനമന്ത്രി എത്തുക. അവിടെ നിന്നും കാര്‍ മാര്‍ഗം കൊച്ചി റിഫൈനറിയിലെത്തുന്ന പ്രധാനമന്ത്രി 4.30ന്‌ റിഫൈനറിയുടെ സംയോജിത വികസന പദ്ധതി ഉദ്ഘാടനം ചെയ്യും. തിരികെ രാജഗിരിയിലെത്തി ഹെലിക്കോപ്റ്ററില്‍ നേവല്‍ബേസിലേക്ക്‌. തുടര്‍ന്ന്‌ റോഡ്‌ മാര്‍ഗം താമസസ്ഥലമായ വെല്ലിങ്ങ്ടണ്‍ ഐലന്‍ഡിലെ താജ്‌ വിവന്റയിലെത്തും.
Sunday, November 10, 2024
പ്രധാനമന്ത്രി ഇന്ന്‌ കൊച്ചിയില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: