കാലടി: തിരുവൈരാണിക്കുളം മഹാദേവ ക്ഷേത്രത്തിലെ ശ്രീ പാര്‍വതിദേവിയുടെ നട തുറപ്പ്‌ മഹോത്സവത്തോടനുബന്ധിച്ച്‌ പുറത്തിറക്കിയ ‘ഉമാമഹേശ്വരം’ ഭക്തിഗാന ഓഡിയോ സിഡിയുടെ പ്രകാശനം സിനിമാ നടി ശൃത ശിവദാസ്‌ പ്രശസ്ത സംഗീതജ്ഞന്‍ ടി.എസ്‌.രാധാകൃഷ്ണന് നല്‍കി നിര്‍വഹിച്ചു.
പി.സി.അരവിന്ദന്‍ രചനയും ടി.എസ്‌.രാധാകൃഷ്ണന് സംഗീതവും നിര്‍വഹിച്ച സിഡിയില്‍ പത്ത്‌ ദേവീ സ്തുതികളാണുള്ളത്‌. ചടങ്ങില്‍ പ്രസിഡന്റ്‌ ആര്‍.ശരത്‌ ചന്ദ്രന്‍ നായര്‍ അദ്ധ്യക്ഷത വഹിച്ചു. സെക്രട്ടറി കെ.ജി.ദിലീപ്‌ കുമാര്‍ സ്വാഗതവും വിനോദ്‌ കുമാര്‍ നന്ദിയും രേഖപ്പെടുത്തി. വെണ്‍മണി നാരായണന്‍ നമ്പൂതിരി സംബന്ധിച്ചു. ബിജു നാരായണന്‍, മധു ബാലകൃഷ്ണന്‍, വേണുഗോപാല്‍, ഗണേഷ്‌ സുന്ദരം, രാജലക്ഷ്മി, ദുര്‍ഗ്ഗാ വിശ്വനാഥ്‌ എന്നിവരാണ്‌ ആലപിച്ചിരിക്കുന്നത്‌.
പ്രതികരിക്കാൻ ഇവിടെ എഴുതുക: