ആലുവ: സമൂഹത്തില്‍ സമര്‍പ്പണമനോഭാവം വളര്‍ന്നുവരേണ്ടത്‌ കാലഘട്ടത്തിന്റെ ആവശ്യമാണെന്ന്‌ ആര്‍എസ്‌എസ്‌ പ്രാന്തസംഘചാലക്‌ പി.ഇ.ബി.മേനോന്‍ അഭിപ്രായപ്പെട്ടു. തുറവുങ്കര ശ്രീഭദ്ര ഗ്രാമവികസനസമിതിയുടെ പ്രവര്‍ത്തനോദ്ഘാടനവും ഔഷധസസ്യ വിതരണവും നിര്‍വഹിച്ച്‌ സംസാരിക്കുകയായിരുന്നു അദ്ദേഹം.
ലളിതമായ ജീവിതശൈലി വളര്‍ത്തിയെടുത്താല്‍മാത്രമേ നാടിന്റെ വികസനത്തിനുവേണ്ടി യത്നിക്കാനുള്ള മനസ്ഥിതി ഉണ്ടാകൂവെന്ന്‌ അദ്ദേഹം പറഞ്ഞു. സമിതി പ്രസിഡന്റ്‌ ഒ.ആര്‍.ജബീര്‍ അധ്യക്ഷത വഹിച്ചു. വാര്‍ഡ്‌ മെമ്പര്‍ പി.കെ. അലി അക്ബര്‍, ഡോ. ശ്രീജിത്ത്‌, കെ.കര്‍ത്ത, പി.കെ.സജീവ്‌ എന്നിവര്‍ പ്രസംഗിച്ചു. ഒ.ടി.ബി.ബിജു സ്വാഗതവും പി.ആര്‍.രാജീവ്‌ നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: