കൊച്ചി: അഴിമതി രഹിത ഭാരതം എന്ന ലക്ഷ്യവുമായി കെസിവൈഎം അഴിമതിക്കെതിരെ യുവജാഗരണ്‍ സംഘടിപ്പിക്കുന്നു. അഴിമതിക്കെതിരെ യുവജാഗരണ്‍ എന്ന പരിപാടിയുടെ സംസ്ഥാന തല ഉദ്ഘാടനം ഇന്ന്‌ കൊച്ചി രൂപതയുടെ ആതിഥേയത്വത്തില്‍ തോപ്പുംപടി കാത്തലിക്‌ സെന്ററില്‍ വച്ച്‌ നടക്കും. ഇതെത്തുടര്‍ന്ന വരുന്ന രണ്ട്‌ മാസങ്ങളില്‍ കേരളത്തിലെ 30 രൂപതകളിലും പ്രസ്തുത പ്രോഗ്രാം സംഘടിപ്പിക്കപ്പെടും.
അഴിമതിക്കെതിരെ പോരാടാനുള്ള ബോധവത്കരണവും അഴിമതി രഹിത ഭാരതം സൃഷ്ടിക്കാനായി അടിസ്ഥാന തലം മുതല്‍ പരിശീലനവും നല്‍കാന്‍ ലക്ഷ്യം വച്ചുകൊണ്ടുള്ള അഴിമതിക്കെതിരെ യുവജാഗരണ്‍ എന്ന പ്രോഗ്രാം പൊതുസമൂഹത്തിന്‌ ഉപകാരപ്രദമാകുന്ന രീതിയില്‍ ബോധവത്കരണവും ദിശാബോധവും നല്‍കുന്ന രീതിയിലാണ്‌ ക്രമീകരിച്ചിരിക്കുന്നതെന്ന്‌ സംസ്ഥാന ജനറല്‍ സെക്രട്ടറി സിറിയക്‌ ചാഴിക്കാടന്‍ പത്രസമ്മേളനത്തില്‍ പറഞ്ഞു. സോണി പവേലില്‍, ജോബി പനയ്‌ക്കല്‍ എന്നിവരും പത്രസമ്മേളനത്തില്‍ പങ്കെടുത്തു.
പ്രതികരിക്കാൻ ഇവിടെ എഴുതുക: