പള്ളുരുത്തി: പള്ളുരുത്തി എസ്‌ഐ തങ്ങളെ അപമാനിക്കുകയും കടുത്ത അസഭ്യവര്‍ഷവും നടത്തിയതായി കാട്ടി പെരുമ്പടപ്പ്‌ നീലിവീട്ടില്‍ മാര്‍ഗരറ്റ്‌ (48) കുമ്പളങ്ങി കടവുങ്കല്‍ വീട്ടില്‍ ഫിലോമിന (43) എന്നിവര്‍രംഗത്തെത്തി. കഴിഞ്ഞ 23നാണ്‌ സംഭവം. തങ്ങളുടെ പക്കല്‍നിന്നും സ്വര്‍ണവും പണവും തട്ടിയെടുത്ത യുവതിക്കെതിരെ പരാതി നല്‍കിയതാണ്‌ എസ്‌ഐയെ ചൊടിപ്പിച്ചതെന്ന്‌ ഇവര്‍ പത്രസമ്മേളനത്തില്‍ പറഞ്ഞു. പരാതി നല്‍കാന്‍ സ്റ്റേഷനിലെത്തിയ തങ്ങളെ മുടിക്ക്‌ കുത്തിപ്പിടിച്ചശേഷം അസഭ്യവര്‍ഷം നടത്തിയതായും അപമാനിച്ചതായും ഇവര്‍ സംസ്ഥാന വനിതാക്കമ്മീഷന്‌ നല്‍കിയ പരാതിയില്‍ ചൂണ്ടിക്കാട്ടി. തങ്ങളെ മണിക്കൂറുകളോളം സ്റ്റേഷനില്‍ നിര്‍ത്തി പീഡിപ്പിച്ചത്‌ അന്വേഷിക്കാനെത്തിയ സഹോദരങ്ങളേയും എസ്‌ഐ ക്രൂരമായി മര്‍ദ്ദിച്ചതായി ഇവര്‍ പറഞ്ഞു. തങ്ങളുടെ സഹോദരന്‍മാര്‍ക്കെതിരെയും, തങ്ങള്‍ക്കെതിരെയും പള്ളുരുത്തി പോലീസ്‌ കള്ളക്കേസെടുത്തതായും ഇവര്‍ പറഞ്ഞു. എന്നാല്‍ സ്ത്രീകളുടെ ആരോപണത്തില്‍ കഴമ്പില്ലെന്ന്‌ പള്ളുരുത്തി എസ്‌ഐ എസ്‌.രാജേഷ്‌ പറഞ്ഞു. പ്രതിപക്ഷനേതാവ്‌, ആഭ്യന്തര മന്ത്രി, സിറ്റി പോലീസ്‌ കമ്മീഷണര്‍ എന്നിവര്‍ക്കും പരാതിനല്‍കിയിട്ടുണ്ട്‌.
Tuesday, November 26, 2024
പള്ളുരുത്തി എസ്‌ഐ സ്ത്രീകളെ അപമാനിച്ചതായി പരാതി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: