നെടുമ്പാശ്ശേരി: രാഗദ്വേഷങ്ങള്‍ വെടിഞ്ഞ്‌ നിഷ്ക്കളങ്കമായ ഭക്തിയോടെയാവണം ക്ഷേത്രങ്ങളിലെത്തേണ്ടതെന്ന്‌ ഹിന്ദുഐക്യവേദി സംസ്ഥാന ജനറല്‍ സെക്രട്ടറി കുമ്മനം രാജശേഖരന്‍ പറഞ്ഞു. സൗത്ത്‌ അടുവാശ്ശേരി ശ്രീ വാസുദേവപുരം മഹാവിഷ്ണു ക്ഷേത്രത്തില്‍ താംബൂല സമര്‍പ്പണ മഹോത്സവത്തിന്റെ ഭാഗമായി നിര്‍മ്മിക്കുന്ന നടപന്തലിന്റെ സ്തംഭസ്ഥാപന കര്‍മം നിര്‍വഹിച്ച്‌ സംസാരിക്കുകയായിരുന്നു അദ്ദേഹം. ക്ഷേത്രങ്ങള്‍ ആദ്ധ്യാത്മിക സ്രോതസ്സുകളാവണം. മനസില്‍ നിന്നും ദുഷ്ടചിന്തകള്‍ അകറ്റണം.
ഹിന്ദുഐക്യവേദി നേതാക്കളായ കെ.പി.സുരേഷ്‌, ആര്‍.വി.ബാബു, ക്ഷേത്രം എക്സിക്യൂട്ടീവ്‌ ട്രസ്റ്റി രാമന്‍ നമ്പൂതിരിപ്പാട്‌, എ.കെ.ലക്ഷ്മണന്‍ വിശ്വനാഥന്‍ നമ്പൂതിരി, അജിതന്‍ നമ്പൂതിരി എന്നിവര്‍ പ്രസംഗിച്ചു. വിശേഷല്‍ പൂജകള്‍, മഹാഗണപതി ഹോമം എന്നിവയും നടന്നു.
പ്രതികരിക്കാൻ ഇവിടെ എഴുതുക: