പള്ളുരുത്തി: മയക്കുമരുന്നു വില്‍പന നടത്തുന്നതിനിടയില്‍ ഒരാളെ പള്ളുരുത്തി പോലീസ്‌ അറസ്റ്റ്‌ ചെയ്തു.
മുണ്ടംവേലി കാരിമറ്റം വീട്ടില്‍ വീരപ്പന്‍ ജോയി എന്നുവിളിക്കുന്ന ജോയി (39)യെ ആണ്‌ പള്ളുരുത്തി എസ്‌ഐ എസ്.രാജേഷിന്റെ നേതൃത്വത്തില്‍ അറസ്റ്റു ചെയ്തത്‌. കൊച്ചി സിറ്റിയിലെ വിവിധ സ്റ്റേഷനുകളില്‍ മയക്കുമരുന്നു കേസുകളില്‍ പ്രതിയായ ഇയാള്‍ പള്ളുരുത്തി ഇഎസ്‌ഐ റോഡില്‍ വെച്ച്‌ മയക്കുമരുന്നുവില്‍ക്കാന്‍ ശ്രമിക്കുന്നതിനിടയിലാണ്‌ പോലീസ്‌ പിടിയിലാകുന്നത്‌.
പ്രതിയുടെ കൈയ്യില്‍ നിന്നും 15 ആംപ്യൂളുകള്‍ കണ്ടെടുത്തു. പോലീസ്‌ സംഘത്തില്‍ സിവില്‍ പോലീസ്‌ ഓഫീസര്‍മാരായ കുഞ്ഞികൃഷ്ണന്‍, ഉത്തമന്‍, സന്തോഷ്‌ എന്നിവരും ഉണ്ടായിരുന്നു. കോടതിയില്‍ ഹാജരാക്കിയ പ്രതിയെ റിമാന്റ്ചെയ്തു.
പ്രതികരിക്കാൻ ഇവിടെ എഴുതുക: