ന്യൂദല്‍ഹി: വിമാനയാത്രാത്തുക അനധികൃതമായി കൈപ്പറ്റിയ വിവാദ സംഭവത്തില്‍ കിരണ്‍ ബേദിക്ക്‌ തെറ്റുപറ്റിയിട്ടുണ്ടെന്ന കേജ്‌രിവാളിന്റെ പ്രസ്താവനക്കെതിരെ രൂക്ഷമായ മറുപടിയുമായി കിരണ്‍ ബേദി. ഈ പ്രശ്നം ശരിയായ രീതിയില്‍ മനസിലാകുന്നതിന്‌ കേജ്‌രിവാളിന്‌ കഴിഞ്ഞിട്ടില്ലെന്നും കൂടുതല്‍ അറിയാമായിരുന്നെങ്കില്‍ മറുപടിയും വ്യത്യസ്തമായേനെ എന്നും ബേദി പറഞ്ഞു.
കാര്യങ്ങള്‍ വ്യക്തമായി അറിയാവുന്ന സഹപ്രവര്‍ത്തകനായ കേജ്‌രിവാള്‍ ഇത്തരമൊരു പ്രസ്താവന നടത്തരുതായിരുന്നുവെന്നും ബേദി കൂട്ടിച്ചേര്‍ത്തു. സൗജന്യനിരക്കില്‍ വിമാനയാത്ര നടത്താമെന്നിരിക്കെ യഥാര്‍ത്ഥ ബില്ലിനുവേണ്ടി വരുന്ന തുക ബേദി വിവിധ സംഘടനകളില്‍നിന്നും കൈപ്പറ്റിയെന്നായിരുന്നു നേരത്തെ ആരോപണമുയര്‍ന്നത്‌. ഇതേക്കുറിച്ച്‌ ചോദിച്ചപ്പോഴായിരുന്നു കിരണ്‍ബേദി ചെയ്യാന്‍ പാടില്ലാത്ത കാര്യമായിരുന്നു ഇതെന്നും ഇനി ഇത്‌ ആവര്‍ത്തിക്കില്ലെന്നാണ്‌ ബേദി പറഞ്ഞതെന്നും താന്‍ ഒരിക്കലും ഇത്തരം കാര്യങ്ങള്‍ ചെയ്യില്ലെന്നും കേജ്‌രിവാള്‍ സൂചിപ്പിച്ചത്‌.
അതേസമയം, സാന്ദര്‍ഭികമായാണ്‌ തന്റെ മറുപടിയെന്ന്‌ കേജ്‌രിവാള്‍ തന്നെ അറിയിച്ചതായി കഴിഞ്ഞ ദിവസം ബേദി ട്വിറ്ററില്‍ രേഖപ്പെടുത്തിയിരുന്നു.
പ്രതികരിക്കാൻ ഇവിടെ എഴുതുക: