മട്ടാഞ്ചേരി: ഫോര്‍ട്ടുകൊച്ചി അമരാവതിയില്‍ കെട്ടിടം തകര്‍ന്നു വീണു. അമരാവതി അമ്മന്‍കോവില്‍ കവലയിലുള്ള ചൈതന്യ ബില്‍ഡിങ്ങാണ്‌ ഇന്നലെ രാവിലെ തകര്‍ന്നു വീണത്‌. ബിജെപി ഓഫീസായിപ്രവര്‍ത്തിക്കുന്ന കെട്ടിടത്തില്‍ താമസിക്കുന്ന സുരേഷ്‌ എന്നയുവാവ്‌ അത്ഭുതകരമായി രക്ഷപ്പെട്ടു. നൂറ്റാണ്ട്‌ പഴക്കമുള്ളതാണ്‌ തകര്‍ന്ന കെട്ടിടം. 30 വര്‍ഷത്തിലേറെയായി ബിജെപി ഓഫീസായി പ്രവര്‍ത്തിക്കുകയാണിത്‌. തിങ്കളാഴ്ച രാവിലെ 9ന്‌ മഴയത്താണ്‌ കെട്ടിടം തകര്‍ന്നത്‌. കെട്ടിടത്തിന്‌ താഴത്തെ നിലയില്‍ പ്രവര്‍ത്തിക്കുന്ന ആറോളം കടകള്‍ തുറക്കാത്തത്മൂലം വന്‍ദുരന്തം ഒഴിവായി. ലക്ഷങ്ങളുടെ നഷ്ടമാണ്‌ കണക്കാക്കുന്നത്‌. ഈ കെട്ടിടത്തില്‍ പ്രവര്‍ത്തിക്കുന്ന കടകളും, സ്ഥാപനങ്ങളും, ഓഫീസുകളും എല്ലാവരും സ്വന്തമായി വാങ്ങിയതാണ്‌. കെട്ടിടം പുനര്‍നിര്‍മ്മിക്കാനുള്ള ആലോചനകള്‍ നടക്കവെയാണ്‌ ചൈതന്യ ഹാള്‍ തകര്‍ന്നു വീണത്‌.
പ്രതികരിക്കാൻ ഇവിടെ എഴുതുക